تجمع عرايس الكويت للمناقشة في امور التجهيز حياك تفضلي حبيبتي - الصفحة 11

04-07-2007, 06:10 PM

بنات انصحكم بمكياج ايلا بكونتينتال او منيره الفرج هذول احسن شي

وبخصوص البدله البيضه رفيجتي توها مفصله بدلتها عند يوسف الناصر لمسة فن وصراحعه عجيبه وفخمه حيل تصلح رزه عروس الطرحه فكره والمسكه والنفنوف نفشته حلوه وفيها افكار وشورافسكي كسر الكبيره وهي عارضتها الايجار وحد لبسها غيرها يعني تعتبر اول لبسه الللي تبي ادزلي على الخاص

ومابي منكم غير الدعوه الحلوه

وموفقييييييييييييييييييييييين كلكم

04-07-2007, 11:33 PM

هلا نشامي اكيد انتر تخصص عرايس مايبيله كلام وعلى بدلة رفيجتج انا أجرت تسلمين قلبي ,, مس سويت شوفي انا كنت افكر مثلج انو انا افصل افضل من الحريم بس بيني وبينج تعب وعباله واحتمال يضبط واحتمال لأ ,, قوليلي شنو تحبين بخصوص دراريع الإستقبال انتي ذوقج شلون انو نعوم وبنوتي والا شغل وشك وهالسوالف عساس اعطيج جم رقم مشغل عندي وكل المشاغل اللي اخزنهم اسعارهم معقوله مااحب اروح للغالي ,, وعموما إذا تبين محل كلف حلو انا اسمع عن لبرادور بالبلوكات اعتقد راح اسألج واتأكد ,, فيه بالفحيحيل مجمع سلمان الدبوس محل كلف حلو اسمه الأميره ,, على سالفت العطور مو بدري شريتيهم الحين تخيلي انا بعد شهرين وماشريت شي اقول تو الناس على الشهر الجاي مفكره اروح اشتري إن الله عطانا عمر

05-07-2007, 08:23 AM

شوفي حبيبتي لوليتا بالنسبه للعطوور كان في تنزيلات بالقرشي وبيوتي وشريت فرنسي وشرقي عشان استغل فرصة التنزيلات لان انا عرسي بيكون بعد العيد مباشره واكيد هالحزه العطورات بتكون ناار .. وانا حاطتهم الحين بجنطه وبمكان بارد والعطوور ماتخرب و لا لها موضه يعني مايضر اذا كنت شاريتهم قبل العرس بجم شهر ..
......

وبخصوووص البدل والدراريع انا احب الناعم واللي يكون فيه حركه غريبه واذا عندج ارقام وتكون المشاغل اسعارهم معقوله يعني مابي غالي حيل طرشيلي عالخااص اذا ما عليج امر ..

واذا تبين اي شي انا حاضر ...

07-07-2007, 12:12 AM

هلا سويت شوفي عندي رقمين وحده اسمها ام محمد بالقصور مشغلها هاذي معروفه بأنو بدلاتها ناعمه وحلوه واهي كل يومين نتزل بدلتين جدد وعندها ثلاث معارض كل سنه تصادف فترة العيدين ورمضان انا خذيت من عندها بدلتين نظام تنوره وبدي بس نعومين وذربين وفيهم فكره واسعارهم 120 لو بتفكرين تفصلين شي مرتب مثل ماتسوي بتطلع عليج البدلة بميه صبا حقنه لبن (بخصوص محل الكلف اسمه برادو وبالبلوكات موجود) وهذا رقمها 5422410 عنوانها القصور ق7 ش 30 م 5 والثانيه ام فلاح خاماتها عاديه بس عندها افكار وبدلاتها على اللبس تبين هالموسم طايحه بالنظام الاسباني بالبدلات خذيت من عندها بدلتين وحده ب 70 ووحده 100 عنونها هديه ق5 ش11 م5 عندها مشغل بالسره بعد بس ماعرف وين بالضبط هذا رقمها 7810068 ,,, سويت حياتي بشاورج بشغله انا كان وجهي حلو ولي خدود بس حاشتني ضغوط العرس وضعفت مو كثير بس كله بين بوجهي فش حيل وقالولي ساس عندهم ابر نفخ قبل العرس بيوم تطقينها طبيعيه وتدوم لست شهور ومكونات الابر فيتامينات مو كولاجين ,, اطقها والا لا ؟؟؟ سمعتني عن احد طقهم من قبل ؟؟

08-07-2007, 11:37 PM

مشكوور حبيبتي على ارقام المشاغل ..
وبالنسبه حق الابر والله العظيم رفيجتي طقتهم بعرسها وعند ساس بعد شكلها حلو بالمكياج بس بدون المكياج شكلها يخرع كأنها مريضه وجها مشدود حييل ,,,
انصح نظمي اكلج ونامي عدل واكلي فواكه وخضروات ولا تاكلين وجبات واي شي دسم والله بيصير وجهج تفاحه ..

09-07-2007, 08:46 AM

مشكوووووووره ياعسل انا سمعت عنهم والعالم تمدح وفيه تردد ,, الحلو انها مو كولاجين ومؤقته بس هذا اللي مشيشني عليهم ,, ها سويت وين وصلتي بالتجهيز انا بلشت اخذ لي جم صندل خذيت واحد من سان ماري اذا ماني غلطانه جذي اسم المحل بالبستان موجود ,, وواحد من ميلانوو هم حلو ووقفت عند الجناط والله احس السوق فاضي موظف بناين وست قالي اخر شهر سبعه تنزل التشكيله الجديده بأغلب المحلات اشرايج اكمل فراره لين الاقي شي والا انطر اخر هالشهر مع انو احس ماكو وقت:confused:

09-07-2007, 04:00 PM

صدقيني خلي وجهج طبيعي انا قبلج فكرت فيهم بس والله من بعد ماشفت رفيجتي غيرت رايي ماقعد احد ماعيب عليها مع انها حلوه من غير تفخ وترا مو كل وحده حلوه عليها الخدوود .؟؟

بالنسبه للتجهيز اذا انتي خالصه كل شغلج وباقي لج شي خفيف عندج الحين شهر عالعرس تو الناس اما اذا كان عندج شغل واجد مومخلصته استغلي الوقت وخلصي شغلج لان لازم ترتاحين وتفضين لنفسج وشكلج وراج عرس ...
وبالنسبه لي انا باقيلي بدل وبجايم للشقه واكسسوار ودراريع وملافع وعبايات وتكرمين شحاطات وجنط وبلاوي .. وانا ماخلصت الا العطوور وقمصان النوم والاندروير.. احس تو الناس علي عرسي باقيله 3 شهور ونص وعلى شهر ثمانيه ابلش .. لا ن احس اللي بالسوق زباله حشاج كله ستوكات انا بنطر رمضان اكيد في اشياء جديده ومابي استعجل بس بستغل التنزيلات حق الاشياء اللي ماتروح موضتهم مكياج وملابس داخليه وبجايم وهالاشياء ... اما البدل والجناط والشحاطات لا تو الناس عليهم اكيد في اشياء حلوه راح تنزل بس انتي لا تكثرين لان عرسج قبل رمضان وعندج العيد اكيد راح تنزل شغلات حلوه وتشترين ..

09-07-2007, 06:39 PM

إيه انا اقول جذي بعد فما كثرت الا من ملابس البيت لانو انا بشقه بروحي فحبيت اركز على هالشغلات ,, صاجه بيكون السوق حلو على رمضان بس ناااااار غالي حيل تبين نصيحتي خلصي بدل الإستقبال على مطلع الشهر الجاي لأني لما كنت افصل بدل كانو اغلب الحريم يقولون انو معارضهم على اول الشهر الجاي عساس بعده رمضان لاتكثرين اخذي شي مرتب وتحسين ممكن يكون ماله موضه شوفي ام محمد اللي قلت لج عليها ترى بدلاتها ماتتبع موضه وذربه ونعومه ...

09-07-2007, 10:41 PM

وانا بعد نفسج شقه بروحي ..
يعني برايج بدل الاستقبال ابدي افصلهم على شهر 8 ؟؟
بس ام محمد بالجهرا وانا بالمنطقه الرابعه بعيده علي اذا تعرفين وحده مضمون شغلها ورخيص وناعم قريب من منطقتنا عفيه عطيني رقمها انقذيني .. واذا تعرفين محلات يبيعون بدل ودراريع استقبال حلوه قوليلي عليهم ..

10-07-2007, 05:36 PM

سويت ام محمد اللي عطيتج رقمها بالقصور (القرين) هاذي اضمنها لج 100% ,,, اليوم رحت اشوف بدلتي اللي مفصلتها عند ام فلاح الله يسامحها لاعبه فيها لعب والله ذكرتني بوقت ماكنا صغار ونفصل للباربيات كلش مو ضابط الخياط الله يستر عاد حاطه فيها 30 عربون تقول انشالله على الخميس تكون مضبوطه واذا ماضبطت لازم ارجع افر ادور موديلات حلوه مالي خلق وربي ابي ارتاح تعبت فراره ,, نصيحتي فصلي من الشهر الجاي كل شي جديد بينزل الشهر الجاي واهم يخبون روحهم لرمضان اهي خربت بدلتي لانها مشغوله بتفتيحة رمضان على قولتها ,, عندي رقم وحده بالمهبوله والله شغلها حلووو بس منعني منها انها غاليه شوي وانتي موظفه ماعليه لو تاخذين منها بدلة على الأقل والله لوانو عندي دخل كان خذيت منها بس انا على الله وعلى هالمهر هذا رقمها 9003795 وادعيلي يضبط شغلي

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 3 ( الأعضاء 0 والزوار 3)