تجمع عرايس الكويت للمناقشة في امور التجهيز حياك تفضلي حبيبتي - الصفحة 12

10-07-2007, 09:00 PM

الله يوفقج ويظبط شغلج بس بغيت اسألج جم سؤال ..

بجم شريتي ذهبج ؟؟
والبدل والدراريع فصلتي جم وحده وكلهم على بعض جم كلفوج ؟؟ انا اخاف مهري مايكفي؟؟ لان المعاش طاير على اقصاد سياره وصالونات ماراح يكفي .. بس تدرين الكل يقول لي لا تكثرين لان عقب شهر من العرس بتروحين السوق وتشترين شغلات جديده ..

11-07-2007, 08:01 PM

موفقين يا رب ..

اول ما نمسك المهر بقولكم طريقتي ..

12-07-2007, 02:36 AM

تسلمين ...

ويلا ناطرينج .....

12-07-2007, 12:05 PM

هلا سويت ,, الذهب كلفني تقريبا 3الآف امي ذبحتني زينه وخزينه والملابس مره وتطيح بجبدج بالكبت فاللي أكل مهري الذهب ,, بدلات استقبال سويت 6 بس وكلفوني تقريبا 800ماحبيت أكثر لانو داخل رمضان علينا ويبيلي شغل يناسب الشهر ,, شريت بدلتين حلوات من السوق الوحده تقريبا 40 ,, روحي محل اسمه راتي بمجمع المهلب فوق عنده بدلات حلوه والله ونعومه وفيه بعد بالمغاتير محل يجيب بدلات حلوه مااعرف اسمه اليوم بروح له واتأكد لج من الاسم ,, انا مع انو ماتكثرين مشترى لانو صح بعد شهر بتروحين السوق و تشترين اقتصدي بالجناط والجواتي اشتري مثلا 4 لبسات بأربع جناط وبعد العرس اشتري على فضاوه ونفس الشي بالنسبه لملابس البيت ,,, الله يعينا وبالأخير على قولت امي اهم شي التوفييييييق :d

13-07-2007, 12:48 AM

اي و الله اهم شي التوفيق ..

الله يوفق كل العرايس ونرتاح من هم التجهيز ..

على شهر 8 انا ببدي التجهيز عدل واقولج :<

13-07-2007, 06:31 PM

سويت المحل اللي بالمغاتير اسمه الماجد وترى اهو ينزل بدلات لعرس بس من وقت لوقت تلاقين عنده بدلات نظام قطعتين ,, خذيت من عندهم بدله ب35وركبت عليها كم لانو اهي كت والله لوماخذتها من عند مره جان قالت لي ب100 ,, روحي شوفي يمكن نزلو شغلات جديده

13-07-2007, 11:12 PM

خلاص بشووفه ..

بس تعالي مو 800 واجد حق 6 دراريع استقبال ؟؟

انا اللي باقي من مهري 5 ونص 3 للذهب والف لبدلة العرس والف ونص حق لبس الشقه وجنط (بس جم جنطه لان شريت 3)وجواتي وبدل ودراريع ومكياج وعبايات وملافع.. تعتقدين يكفي ؟ انا من اللبس ماني مكثره اغلب اللي اعرفهم طاح بجبدهم بشتري حق اللي يكفي حق شهر وبعدين اروح السوق على راحتي واشتري اللي ابي لان بصراحه مابي اكثر الكل قال لي حرام تشترين ملابس واجد وانتي بشقه بروحج محد راح يشوفج

والعطوور وقمصان النوم والساعات خلصتهم وشريت جناط ماركات حق جهازي ..

16-07-2007, 08:11 PM

هلا سويت ,, انا حمولتي اجتماعيين بزود فسويت ست بدلات واحس شويه وبالنسبه لأسعارهم والله ترى هذا السوق حتى لو بتاخذين خام وتفصلين بيطلع عليج بنفس لقيمه تقريبا ,, انا اللي اكل مهري الذهب بس ,, حاولي انتي توزعين المهر ترى العبي تاكل فصلت عباتين ب140 روحي المهلب فوق محل عبي خطيييييييييير والله صوب السينما ,, ماعليج انشالله بيكفيج وبالتوفيق ياعسل

16-07-2007, 09:48 PM

حبايبي العرايس الي تبي اي شي او استفسار عن التجهيز انا حاضره واخدمكم بعيوني سواء على الخاص او بالموضوع بس اخاف ماادخل الموضوع دايما

موفقين وانشاللله تصيرون احلى العرايس

17-07-2007, 02:00 AM

لوليتا .. انشاءالله يارب يكفيني لان فلوسي حده حده ..

نشامي .. مشكووره حبيبتي ماتقصرين بس بغيت اسألج اذا تعرفين ابي اي خلطه تنفع حق المناطق السوده اللي بالجسم وابيها تكون مضمونه ..

واي صح عفيه بنات ابي اشتري صينية للمبخر و البخوور وين في حلوين ؟؟

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)