تجمع عرايس الكويت للمناقشة في امور التجهيز حياك تفضلي حبيبتي - الصفحة 7

15-10-2006, 03:04 AM

اقتباس:

المشاركة الأصلية كتبت بواسطة المناال

انا عرسي بعد رمضان ان شاءالله وبدلتي طلبية من لبنان وبأجرها ان شاءالله بعد العرس فاللي عرسها من شهر11 وفوق وحابة تشوف البدله بعد عرسي تراسلني عالخاص
والتصوير حجزت معرفي لا يعلا عليه بس غالي والمكياج الشيراتون ان شاءالله،،الله لا يخسر علينا وافرح بهاليوم قولوا ان شاءالله

حبيبتي طرشيلي رقمج على الخاص لان عرسي قريب

16-10-2006, 02:01 AM

هاي بنات

انا سألتكم عن نيللي ؟؟ ابي رقمها ؟؟ بليز

16-10-2006, 12:33 PM

انا اختى اجرت بدلتها من رشا شيك وايد حلوة واسعارهم مناسبة

22-10-2006, 12:19 AM

نصيحه لكل عروس انها تشتري بدلتها من الكويت ولا تفكر انها تروح لبنان او اي مكان يطقونها بالعالي لان عندنا اتيلييهات حلوه وايد وشغلهم ما يفرق عن اي مكان في العالم وانصحكم باتيليه انجفه بالسالميه بشارع المطاعم لايطوفكم 00 اختي سوت بدلتها عندهم واسم صاحبة المشغل ام دعيج ويعطيك العافيه شهدq

26-10-2006, 04:53 AM

ان شاء الله يفيدونج البنات مستهامه

26-10-2006, 10:23 PM

كل عام و انتو بخير يا عرايسنا الحلوين

و الله يوفقكم جميعا

11-11-2006, 01:37 AM

تسلمين حبيبتي على الديوانيه

فكره حلوه وان شاء الله يستفدون منها البنات

14-11-2006, 08:03 PM

مستهامه رقم نيللي
5654137

بالنسبه لي قولو ان شاء الله اتزوج
البوشيه كذا مره اييبون بدلات حلوه راقيه ومرات عاد لا يخورونها خخخخخخ
واسعارهم متفرقه على حسب شغل البدله
وفي محلات بالصاليه لبدلات العرايس واسعارهم مناسبه
ولا افكر ااجر بالله وحده شايفه البدله على صاحبتها وتشوفها علي واي
حلو التميز هذي ليله بالعمر
والشبكات عندكم سوق الذهب فروا عليهم واخذوا اللي على ذوقكم ويبيله طقمين ناعمين زياده وساعه ماركه
الفارس وايد يمدحونه
الاربش وداماس غالييييييين
بس حلو شغلهم
وعقبها بالنسبه للبدلات في محل الجذور بالبلوكات اللي يشتغلون فيه سوري ومرته خاماتهم روووووعه ماركات ومرات يسوون تنزيلات وعندهم مشغل لهم يصممونلج الموديل من خامهم وخياطهم وأفكارهم راقيه
الجناط والجواتي وانتوا بكرامه اخذوا طقمين غالين ماركات والباجي شكلوا لا قعدتوا عند الريال سحبوا منه واشتروا
المكياج عند هبه صالون بيور بلا منازع
طبعا ماننسى جلسات وماسكات الجسم والشعر والعطور والمكياج لاتكثرون بتييكم هدايا حتى قمصان النوم لا تكثرون من المهر وخصوصا اللي بتملج وزواجها عقب فتره طويله خل تاخذ من ريلها كل فتره تشتري شويه
وهم يبيله ملابس سبورت وبديات وجنزات وتنانير قصيره حق البيت مو كله قمصان نوم سووله ال بي سي كحلوا عينه قبل الشحوم واللسترتش مارك والجلح ما بعد الولاده
والملافع والحجابات والجناط واكسسوارات

اما اللي تبي عرس يبي لها بوفيه وحلو ودي جي ووو
يالله الباجي عليكم حسبوا الميزانيه

15-11-2006, 01:39 AM

مطفووووووووووووقه حبيبتي تسلمين

ان شاء تزوجين وربي يوفقج يارب

15-11-2006, 01:21 PM

آمين يا مستهامه بعد عمري مع الجميع يا رب
والله يوفقج لا رحتيلها قوليلنا اشصار

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)