تجمع عرايس الكويت للمناقشة في امور التجهيز حياك تفضلي حبيبتي - الصفحة 10

13-06-2007, 03:11 PM

^
^
اي والله حياتنا واقفه ع هالاجهزه

لمسه اهو مال بنات العصيمي
ام فهد وام طلال
وبيتهم بـ الاندلس

بس والله شغلهم مرتب

15-06-2007, 01:36 AM

بناااات انا عرسي بعد 4 شهوور وابي ابلش اجهز بس بعرف اكثر من الملابس والجنط الجواتي والاكسسوارات ولا لأ ؟؟

وقمصان النوم اشتري كله راقي وغالي ولا جم واحد غالي والباجي رخيص ..

والبدل والدراريع اكثر منهم ولا شويه .. ؟؟ لان اخاف ان المهر مايكفي ومابي اخربط ابي اشتري بسنع ؟؟؟؟!!

تكفووون ساعدوني ومشكوووووورين ...

15-06-2007, 02:49 PM

بنات يليت تحطون الارقام..

اختي عروس

ومحتاجه دراريع وبدل..

16-06-2007, 11:32 AM

مس سويت ياقلبي مبرووووك جعل ربي ييسر امورج

ياقلبي لاتكثرين من اي شي منتي مهاجره والسوق ماراح ينحااش ..
الشحاطات اخذي الالوان الاساسيه .. والشنط رتبيهم على الوان اغلب بدلج بس موتكثرينهم

ونصيحه القمصان والبجايم اخذي شويه ينعدون بالاصابع من الغالي والباقي رخيص لان الرياجيل وين تكفين يعرفون ويفرقون

والبدل والدراريع افتري لج على المشاغل والله يعينج عالفرااره

16-06-2007, 12:16 PM

بنات عندكم مشغل ام نافع يمدحون قصتها يقولون غريبة و عنوانها القرين ق 3 ش 3 م 3
وهم يمدحون ام محمد
وبحول اجيب رقمها لكم
والمقص والابرة الذهبية عجييييييييييييييييييييييييييييييييييب للنفنوف الابيض و مكانة بالسالمية صوب المارينا
وشكرا

17-06-2007, 12:28 AM

الله يبارك فيج حبيبتي جمرة غضى ومشكورة عالنصايح بس بعرف اكثر من دراريع ولا آخذ شويه لان في الغالي و في الرخيص يعني اقصد جم دراعه فخمه آخذ و جم دراعه عاديه ؟؟

24-06-2007, 10:05 PM

هلا بنات انا بنضم لكم قرب عرسي بس كنت انطر الامتحانات تخلص وابلش

بسألكم بنات منو احسن كوافيرة تسوي مكياج وتسريحة بالبيت محتاجتها ضروري حق حفلة ملجتي
يا ليت تردون على بسرعة ما في وقت

02-07-2007, 09:51 AM

بنات شفيكم مهمليين هذا الموضوع تكفوون نبي احد يفيدنا وبعدين وين عرايس 2007 ..

نبي كل وحده تقوول لنا متى عرسها وشنو شرت و شنو جهزت نبي نساعد بعض ..

03-07-2007, 01:15 AM

هلا مس سويت , يلا انا وياج نتساعد ونحرك الموضوع , بسم الله ابدي بالنسبه لعرسي بعد شهرين آخر شهر ثمانيه , قعدت انا وامي وقسمنا المهر الافضل تقعدين مع احد يفهم بالسوق والاسعار احنى والله مانصدق يطيح بيدنا دينار نضيعه بثواني ,, فحطيت ميزانيه لكل شي بلشت بالذهب اشتريت بألفين شبكه وطقم ناعم مع اسواره , وللنفنوف أجرت فستان ب 700 من رفيجتي من الاسطوره ماخذته اللي رحمني انو البنت راعتني بسعر النفنوف وانتي عروس مري على الاتليهات وشوفي الاسعار غاليه بالنسبه للشي الانيق والمرتب ,, حجزت بفندق انتر للمكياج ومصورتي ناديه شاهين اخترت تصوير ديجتل ب 400 بس انا طلبت فلم واحد ديجتل ب 300 والباقي عادي ,, ملابس البيت سوالف جنزات وتنانير قصار رحت الافينوز وقشيت لج ب 300 وقت تنزيلات الحين شغلات تهبل هناك , قمصان النوم اغلبه من القاسم غالي شوي بس حلوين اللي عنده حق عرايس وماكثرت قمصان وبيجاماتي الستان من عند الطاهر كانو مسوين تنزيلات وقتها,, بدلات الاستقبال سويت 6 , 4 من ام محمد بالقرين و2 انا خذيت خامات وسويتهم عند خياطه اعرفها والتصاميم الله يخلي الكاتلوجات وكلهم كلفوني 800 ,, وباقيلي الحين المكياج والعطور العبايات والجناط والجواتي تكرمين ,,, اووف كتبت كثير صج قرقه ههههههههه يلا الباقي عليكم يابنات شاركونا علشان نستفيد والله يوفق الجميع

03-07-2007, 03:40 AM

هلا وغلا فيج لوليتا ..

انا عرسي شهر 11 يعني بعد 4 شهوور .. وبصراحه ماقسمت المهر لان بعدني ماشريت شي واغلب جهازي من معاشي يعني اخذت من مهري بس 500 دينار وهذا هو جهازي :-

خلصت العطوور شريت من القرشي بخوور ومخلط ومثبت ومسك العروس وخمريه ودهن عوود نوعت شكثر يعني .. ورحت حق مركز بيوتي بالاس وقشيت لي تقريبا" 10 عطورات فرنسيه بس اغلبه 30 و 50 ملي حيل صغاار واخذت منهم بودره حق الجسم تهبل و لوشن بعد حلو ... وو شريت قمصان نووم من مجمع الايوب وكملت عليه من محل بالعربيد بلازا وتقريبا" خلصت .. اما شغل البيت و الجنزات و الملابس الداخليه اخذت من ماكس ولاند مارك وقت التنزيلات بس ماكثرت يعني يبيلي اشتري بعد بس بعدين .. وباقيلي الحين دراريع استقبال وبدل واكسسوارات ومكياج وشحاطات وجناط وبجايم للبيت ماخذيت مخليتهم بعدين ابي آخذ راحه ..

انا عندي موديلات وابي افصل مابي عند حريم يقصون علي اسعارهم ناار .. بس اذا تعرفين ابي محل كلف حلوه حق الدراريع وين احصل ..؟؟

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)