إهداء للغالية: .•بأسلوبے ذبحـ غيريےۤ•. مشروم أند سويس بدون سويس :)

بسم الله الرحمن الرحيم

السلام عليكم ورحمة الله وبركاته

تقبل الله طاعتكم وصيامكم وقيامكم وجعلكم من عتقاء النار ... آمين

بناء على طلب العضوة الغالية .•بأسلوبے ذبحـ غيريےۤ•. بنزل هالوصفة السهلة

خلال ربع ساعة يكون غداج أو عشاج جاهز

المكونات:

همبرجر وصمون همبرجر على عدد الأشخاص

الحشوة:

جبن سلايس (ما كان عندي سويس فاستخدمت برايد دوبني يا برجر طعمه رهييييب)



وعطاني طعم مقارب لوجبة هارديز اللي آنا من عشاقها

والصلصة:

علبة مشروم مقطع وإذا عندج فريش أحلى

قفشة زبدة

3 قفاش مسطحة طحين

مكعب ماجي

والمكون الأهم خردل بس نتفة لا تزيدينه تقريبا قفشة الاستكانة

صويا سوس (اللي تبي لون الصلصة يصير بني آنا ما حطيت) بس طبعا اللي تستخدمها تستغني عن الماجي


الطريقة:

الهمبرجر المشوية عشان تظل طرية وتتخلص من دهونها فوحيها بماي عالجهتين لما يتغير لونها

حطيها في مقلاة نظيفة عالنار لين تتحمر شوي عالجهتين (بدون زيت)

أول ما تستوي الجهة الثانية اللي تحت ردي قلبيها وحطي الجبنة عليها واهي في المقلاة وغطيها عشان تذوب عليها وتصير جذي




ولا تشيلين الجبن اللي ساح على المقلى خليه حق الصلصة

الحين في نفس المقلى ضيفي الزبدة على الدهن اللي طلع من الهمبرجر وباقي الجبن وحمسي الطحين

لما تبدا تطلع منه فقاعات الحين اللي تبي تقدر تضيف الصوي سوس

ضيفي المشروم وحمسيه عدل وخليه يتغطى بالطحين والزبدة وفتتي الماجي وحمسيه معاهم

ضيفي الخردل وآخر شي ضيفي تقريبا نص كوب ماي أو أقل حسب السماكة اللي تبينها

وحركيه وخليه شوي عالنار ينطبخ لين يثخن



طبعا حتى لو الماي صار وايد مو مشكلة نخليه عالنار مدة أطول لين يتبخر

وبس

الحين كل اللي عليج تحطينهم في الصمون المدور: الهمبرجر وفوقها الجبنة السايحة

وفوقهم صلصة المشروم واهي ليلحين حارة

وبالعافية على قلوبكم ان شالله أحلى وأنظف مشروم اند سويس شغل بيت