هالطبخه من مطبخ منال العالم جربتها تاكلون اصابعكم وراها لذيذه...

صينية الباذنجان بالدجاج ...

المقادير:
باذنجان الحجم الكبير العريض والطويل
نص دجاجه مسلوقه
بصل-ثوم-زنجبيل-
طماط-فلفل اخضر حار حسب الرغبه-
قليل من كركم-فلفل اسود-بهار مشكل-ملح
جبن قلاس
كريمه جاهزه من كي دي دي
بقسماط



الطريقه1-

1-تقشرين الباذنجان ثم تقطعينه بالطول بحيث يكون ضعيف علشان تقدرين تلفينه ثم تقلينه لين يحمر شويه

2-تحمسين البصل صغير ثم الثوم والزنجبيل ثم الطماط والبهار ثم الدجاج طبعا بعد ماتقطعين الدجاج صغير مثل الشاورما

3-تحطين الحمسه بوسط قطع الباذنجان وتلفينه

4-تحطين الباذنجان الملفوف بالبايركس

5-تخلطين علبة كريمه مع 3ملاعق جبن قلاس

6-تصبين الصلصه فوق الباذنجان وترشين عليه البقسماط بحيث تغطينه

7-تدخلينه الفرن لمدة 20 دقيقه

8- ماراح تصبرين وانتي تشمين ريحة الطبخه اللذيذه وتخلصين الاكله بالمطبخه ههه