بسم الله الرحمن الرحيم (شغل من نوع جدبد).........لا يطوفكم :)

Katrina · 13-01-2009, 09:05 AM

بسم الله الرحمن الرحيم

الصلاة والسلام على نبينا محمد اشرف الخلق.

خواتي أعضاء منتدى حور الكويت

أبدأ موضوعي هذا بنبذة بسيطة عني.

أولاً : الإسم Katrina
ثانيا : المهنة مصممة ديكور
ثالثا : اعمل في شركة
رابعا : الخبرة 10 سنوات.

خواتي اقدم لكم في موضوعي هذا خدماتي كمصممة ديكور وهي (خدمات إستشارية) يعني إللي تبي تأثث بيتها من ديكورات اسقف وارضيات وحوائط وأصباغ وأثاث وإكسسوارات. راح اتعامل معاها عن طريق المنتدى فقط ، وبما ان الخدمة الإستشارية راح تكون عن طريق المنتدى فقط فراح تكون على النحو الأتي:

المطلوب:

1- الإستشارة راح تكون على غرفة واحدة فقط في كل مرة ، يعني تختارين غرفة من الغرف إللي اهم وإللي تبينها اتخلص أول وراح اشتغل فيها معاج ولمن انخلص نبتدي بعدين بالباقي وإلا لمن تكونين جاهزة لباقي الغرق ، وهذا ينفع للي ما عندها ميزانية حق باقي الغرف ولمن تتوفر الميزانية انبلش بالباقي.

2- تدزين لي صور الغرفة كامل وكل حوائط واسقف وأرضيات كذلك الأبواب والشبابيك.

3- إدزين لي القياسات للغرفة ، الطول والعرض والأرتفاع أو ادز لج مخطط لغرفة عادية واحط لج على المخطط علامات إستفهام تكتبين فيهم المقاسات بعد ما تاخذينهم ومقسات الأبواب والشبابيك.

4- نبذة بسيطة عن اهل البيت مثلاً ( العدد ، العمر ، الجنس ) عشان اعرف شلون راح تكون استخدامات الغرفة.

5- تكتبين لي شنو إللي إنتي اتفكرين فيه بالنسبة للغرفة ، من الوان وستايل وشنو استخداماتج للغرفة.

6- تعطيني الميزانية المتوفرة للغرفة ، يعني إللي عندج وموفرته للغرفة عشان اقدر اسويلج الغرفة على قد ميزانيتج.

الخدمات:

1- راح احسب لج كل الشغل كم يكلف + التكلفة الاستشارة.

2- اعطيج عدد 2 من الخيارات بعد إختيار الألوان والديكورات.

3- راح نختار مع بعض الالوان والإكسسوارات وذلك عن طريف المنتدى.

4- الأثاث راح يتم إختيارة عن طريق المنتدى ايضا ، يعني راح امر السوق واصور الأثاث إللي يناسبج مع سعر كل وحدة ولمن يتم الإختيار اروح واحجز لج الطقم وانتي تروحين بس تدفعين وتشترينة يعني افلوسج عندج وانتي تدفعين ، راح ادز لج مخطط اوضح لج فيه وين اتحطين الاثاث والإكسسوارات إذا كنتي متوهقة وين اتحطينهم ، وطبعا هذا كلة راح اتسوينه بيدج عشان تاخذين فكرة أكثر عن كيفية التنسيق وإذا توهقتي تراسليني وتحطين صورة من الصالة الجديدة وراح ارشدج ، ولمن انخلص نهائيا من الغرفة اتصورينها وانحطها بالمنتدى عشان الكل يشوف التنسيق إللي سويتيه بيدج ومع إستشارتي لج.

5- طريقة الدفع للاستشارة فقط يكون عن طريق تحويل لحسابي بالبنك.

(لمعرفة اتعاب الإستشارة يرجى مراسلتي على الخاص)

وتحياتي ، اتمنى يكون الشغل يحوز على رضاكم

الحـــــور · 13-01-2009, 10:00 AM

Katrina

ما شاء الله
وهالخبرة راح تنفع حيل بنات حور الكويت

عساج عالقوة يالغالية،،،

Katrina · 13-01-2009, 10:01 AM

مشكورة حبيبتي والله انتي الذوووق

كويتيه2020 · 13-01-2009, 11:17 AM

موووووووووووووفقه

Katrina · 13-01-2009, 11:40 AM

مشكورة حبوبة

سيدة القصر · 13-01-2009, 11:49 AM

بالتوفيق,.

بنت العميد · 13-01-2009, 12:25 PM

موفقه

PuRe HoNeY · 13-01-2009, 02:23 PM

السلام عليكم ورحمة الله وبركاته

خووووش خووووش

الله يوفقج اختي

المهندسه · 13-01-2009, 04:18 PM

تسلمين حبوبه

الفراولة · 13-01-2009, 04:35 PM

موفقة ياقلبي
وافكارج أكيد حلوة مثل فساتينج

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

بسم الله الرحمن الرحيم (شغل من نوع جدبد).........لا يطوفكم :)

الـحور التسويقي للعروض المتنوعة