رجيم الدكتور عبدالله المطوع الصاروخي

الفراولة · 08-10-2009, 12:52 PM

السلام عليكم ورحمة الله وبركاته

وعدتكم اني احط لكم نظامي الغذائي مع دكتوري الي اراجع عنده في عيادة رجيمي/ عبدالله المطوع

والحمدلله وزني قاعد ينزل وأنا مو محرومه من شي
وانا سميته النظام الصاروخي لأن نتيجته حلوة وسريعة وبنفس الوقت تحسين انج انجزتي شي
وهو انجح نظام رجيم جربته

بس غير نظامي قبل يومين وهذا هو نظامي الجديد ومع العلم انه اقوى من نظامي الي قبله

ملاحظاتي قبل لا احط لكم النظام... الي فيها سكر ولا ضغط او حامل لا تسوي هالنظام لأنه مو زين
والي سليمه 100% ومافيها فقر دم خل تتكل على الله وتبدأ فيه

$$$$$$$$$$$$$$$$

[[ الريوق ]]

نصف خبزه سمره خفيفه + جبن أو لبنه أو بيضة + خضار (طماط وخيار) أو 3 زيتونات + كوب حليب خالي الدسم

[[ الضحى ]]

حبه فاكهه (ممنوع الموز والمانجا) أو استكانه مكسرات (جوز - بيذان - فستق - حب) + شاي او قهوه

[[ الغداء ]]

سلطة (ملعقة زيت زيتون) + 2 همبرجر لحم او دجاج يكون مشوي أو صدر دجاجه مشوي أو علبه تونا بالماء أو 2 صيخ مشوي + كولا دايت أو ماء

[[ المغرب ]]

ككاو وسط (كتكات ابو اصبعين أو اي ككاو لكن الحجم الصغير) أو حبه فاكهه (الموز والمانجا ممنوع) + شاي او قهوة

[[ العشاء ]]

العشاء عندج اختيارات بس أفضل شي تمشين كل يوم على نوع والأفضل تكثرين من الي عليهم وجه مضحك لأنهم ينزلون الوزن بسرعة

أول يوم: 1 بيضة مسلوقة أو مقليه + عصير برتقال + توسته سمراء + خضار

ثاني يوم: تشيز برجر من ماكدونالدز + دايت + سلطة

ثالث يوم: (لو كنتي طالعة مطعم لبناني) كوب تبولة + صيخ مشوي + دايت أو ماء

رابع يوم: من 3-4 شرائح اناناس طازج + كوب روب اكتيفيا

خامس يوم: 1 توسته سمراء + جبن قليل الدسم + خضار + كوب لبن خالي الدسم + تفاحه

سادس يوم: روب خالي الدسم + خيار + 2-3 كيوي

سابع يوم: (سلطة) وتتكون من خس + (ملعقة زيت زيتون + ليمون + خل) + 3 شرائح جبن مالح أو حلوم قليل الدسم +ملعقة زيتون شرائح + دايت او ماء
او 2 سلطة أمريكانا اليونانية greek لو ماكان لج خلق تسوين هالسلطة لأنهم نفس الشيء

ثامن يوم: عصير أناناس KDD حطيه بالخلاط مع 3 حبات كيوي واخلطيهم واشربيه
أول شيء مشبع حيل واهم شيء لما تنامين يضل هالعصير يحرق الدهون بالجسم طول ما انتي نايمه
وهذا كلام الدكتور لي نقلته لكم بالحرف الواحد

$$$$$$$$$$$$$$$$$$$$$$$

ملاحظات مهمة

اشربي ماء في اي وقت بكمية كبيرة

مارسي الرياضة من 20 - 40 دقيقة يوميا تزيد من سرعة انقاص الوزن وبقوة

مسموح بتناول الخضار الورقية وبشرب الشاي (البابونج - المرمية - الينسون - الزنجبيل - النعناع) باي كمية بين الوجبات الرئيسية

ملاحظة مهمه

هذا الرجيم ينزل الوزن بدون رياضة
لكن مع الرياضة يصبح انقاص الوزن اسرع واكثر

الي نظامها تقوم الظهر الساعة 10 او 11
تتريق عادي بس ما تآخذ وجبه فترة الضحى وتنقلها لي عقب العشا بالليل إذا كانت تسهر بالليل

08-10-2009, 01:58 PM

رووووووووووووعه

الله يعطيك الف عافيه وفعلا النظام حلو وفيه كل شي

شـكــ وبارك الله فيك ـــرا لك ... لك مني أجمل تحية .

08-10-2009, 03:10 PM

الله يعطيج العافية على الرجيم
ومبين عليه حلو ومتنوع وفيه اختيارات متنوعة واهم شي الككاو
لأن اغلب الرجيمات ممنوع الككاوات فيها اما هذا عادي
اما الموز والمانجا معروفين انهم غيرمناسبين للريج لأنهم يمتنون
عساج عالقوة يالغالية
ومتابعتج دايماً

08-10-2009, 06:12 PM

نظاام حلو ماشاء الله
الله يتمم عليج حبيبتي اليييييييييين مايصير جسمج سمبتيك

08-10-2009, 10:12 PM

واااااااااااو

رووعه الفرواله

خوش رجيييم

الله يثبتج ويصير جسمج سمبتيييك

09-10-2009, 02:35 PM

فضه

تسلمين ياحياتي عالمرور
والنظام حلو بس هذا قوي حيل وينزل اسرع ومن تجربتي له

09-10-2009, 02:37 PM

الحور

صح کلامج وانا احب الککاو بس مو دايما لا علي فترات
بس الموز والمانجا احبهم بس راح استبدلهم بالخوخ والتفاح الاخضر
تسلمين عالمرور ياحياتي

09-10-2009, 02:40 PM

لمسة حنية

تسلمين ياحياتي عالمرور
وآمين الله يتمم عالجميع

09-10-2009, 02:44 PM

بلوووو

النظام روعه بس هذا نظامي الجديد توه معطينين اياه قبل ثلاث ايام
وهذا اقوا من الي قبله حيل
يسلموووو عالمرور ياحياتي

13-10-2009, 01:17 AM

مراجعتي الجاية راح آخذ منه رجيم السوائل
بس مو يومياً

لالالالالا

اطبقة بس مرتين بالأسبوع
والأيام الباجي اكمل هالرجيم عادي

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روآيه : مستحيل احبك مستحيل اعيش من دونك ..	خاطري حساس	القصص والروايات	66	20-10-2012 03:11 AM
سؤال وجواب...مع خبير التغذية الدكتور: عبدالله المطوع	كويتية أمورة	السمنة والنحافة	27	07-05-2011 02:48 AM
هواتف وإيميلات بعض العلماء	بشوره	فتاوي وأحكام	31	07-02-2009 02:50 PM
البندري	بنت النور	القصص والروايات	5	22-11-2006 11:20 AM
هواتف وايميلات المشايخ وأهل العلم ...... لمن يريد الفائدة	MSAYA	القضايا الدينية والحملات الدعوية	2	29-03-2005 12:24 AM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء

للمزيد من مواضيعي