كيكتى ترفة وطرية بدون دهن ولا ماى

اليوم مسوية كيكة هشة وطرية وقبل شوى مسويتها وقلت اصورها وانزلها قبل الهجوم والى يميزها مافيها ماىولا دهن
المقادير:


4بيض ونضيف عليهم شوية خل
1كوب ونص طحين منخول
1قفشة بيكنج بودرة
1قيمر مو القوطى المعدن الى بالصورة
1ظرف دريم
شوية فانيليا
الطريقة:

الطريقة
أولا نخلط البيض مع السكر جيداً ثم نضيف القشطة ونخلطه وبعده الدريم ويب وأخيراً الطحين بالتدريج..
توضع في صينية مدهونة وتوضع بالفرن حتى تنضج يعني النضج ياخذ من 30 الى 45 دقيقة حسب نوع وحرارة الفرن..

الصلصة
1بيالة سكر
قوطى قيمر
نحمر السكر على النار وبعدين نضيف القيمر ونخليهم شوى على النارلين ينخلطون عدل وتروح الكلاكيع وهي حارة نصبهم على الكيكة ونزين بعين الجمل




ملاحظة::

1- لا تستغربون مقادير الكيكة بدون زيت او ماء

2- القيمر المقصود اللي بالعلب الكرتون مثل العصير وليس
المعدن المدور


لنجاح اي كيكة :
- اخلطي المواد السائلة بخلاط الطماط وهذا يخليها تنفش اكثر

- صبي الخليط على الطحين المنخول مع البيكنج باودر بماعون ثاني واخلط بالمشبك اليدوي باتجاه واحد فقط عشان مايطلع الهواء كله وتفش

- الفرن لازم بعد ما تسخنينه تقصيرينه لما تدخلين الكيكة يعني على 180-200 درجة كافي مو حااااااااااااار وايد عشان تستوي على راحتها من داخل وبره

وهنى تطبيقى



وهذى لما قصصتها


وبث حلالالالالالالالالالالالالالالالالالاث