دروس العنايه الفائقه بالشعر

نصيحه اليوم تقولج

للشعر الدهني :

شلون تعرفين شعرج دهني؟؟؟

اذا لاحظتي ان شعرج يفرز كميات كبيرة من الدهن,غالبا الشعر الناعم يعاني من هذي المشكلة , لازم تسبحين مرتين او اكثر باليوم _بدون مبالغه_
يدهن بطريقه محرجه و يسبب لج ازعاج

اذا تعانين من هذي المشكله

مالج الا

- استخدمي شامبي للشعر الدهني

- قبل الاستحمام دلكي فره راسج بعصير الليمون

-حطي بالشامبو(الافضل شامبو جونسون للاطفال) نصف كاس عصير ليمون ...يخفف الدهن ..ما يدهن بسرعه
- ابتعدي عن الشسوار .. لان يساعد على افراز الدهن من بويصلات الشعر

- لا تحطين كريمات بعد الاستحمام للشعر ... اذا انتي متعوده او مصره على الكريم حطي على اطراف شعرج ... يعني لاتحطين على فروه راسج

- لا تمشطين شعرج و هو رطب بعد ماينشف مشطيه ... لان الشعر الدهني يترتب عليه مشكله ثانية و هي تساقط الشعر ... (هذي المشكلة راح اتكلم عنها بالتفصيل بالاسبوع القادم)

شرح هذي النقطه = بعد الاستحمام بويصله الشعر تكون متاثرة بالشامبو و الماء الدافىء فتتوسع اشوي - طبعا ما تشوفينها بالعين المجرده - , و اي حركه للشعر تسقط الشعره , لكن بعد ماينشف تصغر البويصله على حجم بذرة الشعره (مرات تشوفين بدايه الشعره بعد سقوطها غلاف لونه ابيض , هذي البذرة) من جذي اقول لا تمشطينه عشان ما يتساقط شعرج

ممكن تجربين .. يوم مشطيه و هو رطب ولاحظي شعرج يتساقط وله لا ... وفي يوم ثاني مشطيه بعد ما يجف

اللي اجرب تقول لنا على ملاحظاتها

نصيحة اليوم

للشعر الجاف

و هو الشعر الناشف الي يحتاج عناية فائقه ,و دايمن يصاحب الشعر الناشف القشرة المزعجة

(ليس بالضرورة يكون الشعر الجاف هو الشعر الخشن)

اللي تلاحظ ان شعرها في الاتي فشعرها جاف

- شكله متعب

- دايمن متقصف

- فيه قشرة


لازم تهتمين فيه على طريقه حساوية



- استخدمي شامبو للشعر الجاف , لان تركيبة الشامبو تساعد الشعر على تخفيف حده الجفاف

- استخدام حمام زيت يلطف الشعر (راح اخصص لكم يوم اتكلم عن حمام الزيت ونواعه و شنو المناسب منها)

- بالنسبة للقشرة دايمن يكون الشامبو الجاف يعالج هذي المشكلة , لكن اذا ما خفت القشرة استخدمي خل التفاح ..دلكي فروه راسج لمده 10 دقايق بعدين تسبحي على طول

-يحتاج الشعر الجاف كورسات مكثفه من خلطات الزيوت , على الاقل مرتين في الاسبوع

-افضل قص الشعر بين فترة و الثانية يعني كل 6 اشهر ..عشان ما يكون شكله مقصف



****************************************




اليوم طاق في بالي الصبغ

ف راح اتكلم على صبغ الشعر

+++++

صبغ الشعر وايد حلو
في من بنات حوا يصبغونه وايد

لكن سالتي شلون تختارين لون الصبغه المناسبه للشعرج؟

اول شي في معلومه خاطئه و متداوله و هي:

البنت البيضه يناسبها كل لون ...اما السمره لازم تصبغ غامج عشان يفتحها

هذي العبارة خطاء

خطاء فادح

انا اقولج ليش

الالوان وايد ....و درجات كثيرة

لازم تختارين الدرجه المناسبه ل لون بشرتج

+++++

شلون تحافظين على لون الصبغه

- حمام زيت

- زيت برشوت

- دبر امله

هذي لزيوت تغذي الشعر مو بس تحافظ على لون الشعر

مشكلة


تساقط الشعر

اسباب تساقط الشعر :

*حاله نفسية

-الكبت

-الحزن

-الغضب

-الياس


* سوء تغذية

-الوجبات السريعه

-الوجبات الخالية من الفيتامينات

-نقص الحديد \ الانيميا

-تجاهل احدى الوجبات الثلاث


* افرازات دهنية زائده

* تواجد البكتيريا في فروة الراس

- الشامبو غير مناسب لنوع الشعر

- مو مغسلته عدل

-تقلب احوال الطقس


العلاج :

* عوامل داخلية

- التخلص من المشاعر السلبية

- التغذية السليمه


*عوامل خارجية

-استخدام تونيك للشعر

- خلطات او ماسكات تغذي الشعر

-عمل تحاليل لدم ..... بنات ضروري تشوفون دمكم شلي ناقصه شلي فيه .... اذا الحديد نازل اخذوا احبوب

حبيباتي الحوريات العزيزات

هذي نصائح للعيد... او اذا عندج مناسبة

- استخدمي ماسك الشعر او خلطتج قبل العيد بيوم

-زهبي تونك شعرج بعد الاستحمام

-اللي تسشور شعرها تحط سيروم او كريم برشوت ...يخلي الشعر سابط مايعنكش , و يصير في لمعه حلو ...مو تستانسين و تزيدين المعيار و صير شعرج جنه مدهن ,, وتقولين نصيحه حساوية ... الركاده زينه
و تقولين هذي نصيحه حساوية

- سوي تسريحه بسيطه ...للي شعرهم خفيف انصحهم بتسريحه الاسد تخلي شعرها اشوي كشه....يقلل من وضوح خفه الشعر ....او سوي

ام اقذيله ... و هي عبارة عن اخذ خصله من القذله و تودينها يسار او يمين اللي يريحج ....تصير القذلة على جنب تغطي جزء من الجبهه و عمل بف خفيف
تعملين بف صغير بحيث تغطين الفراغات الراس

-لا تستخدمين الشباصه ذات تضاريس كثيرة .... تقطع الشعر, و تسبب الي مشكله تقصف الشعر و انتوا ماتدرون ... لاتاخذين الشباصه عشان شكلها و بس
شكلها وبس ...في شباصات تقهر مثل ام فراشه عليها ستراس تقطع الشعر تقطع

ولا تستخدمون حق بناتكم السير هم يقطع الشعر ... اذا انتي مصره على استخدام السير ....قصي السير بالمقص بعد انتهاء المناسبه بدال ما تنتفين شعر ب
ما تنتفين شعر بنتج ....و اطقينها اذا قالت يعور ...انتي شيلي السير مو الخدامه لان الخدامه ماراح يهمها تنتف الشعر وله ظل عدل

نصيحه اليوم

تقول :

اللي تستخدم علاج تكثيف الشعر

لازم تعرف هذي المعلومات

- الشعر يحتاج كورسات هشان يطلع الشعر المتساقط

- الشعر يحتاج اكثر من 40 يوم من العنايه الفائقه و الاهتمام المستر عشان يطلع الشعر

- لظهور الشعر مره اخرى يمر بمراحل و هي :

* التغذيه السليمه من حيث الطعام ... دمج لازم يكون %

* تغذيه بويصلات الشعر وهذا اللي يطول فتره العلاج

الراس مثل الارض كل ما اعتنيتي فيها شفتي حصادها

* تكوين الشعره في البويصله
*اخذ وقت لتطول و تظهر على سطح الجلد
* االاهتمام بالحصاد الجديد ليما يطول


وانشالله يوصل لي الركبه

هذا العلاج يحتاج الصبر

ثم الصبر

واللي تقول اعطيج خلطه اطلع الشعر باسبوع او عشر ايام

تاكدو انها جذابه

لان مشكله الشعر لا تحل في يوم وليله

نصيحه اليوم

تقول :

الكثير و الكثير منا يستخدم حمام زيت

و هذا مو الخطاء انما الخطاء في اختيار حمام الزيت و طريقه استخدامه


شلون تختارين حمام الزيت

- اختاري اللي على بيض \ صبار \زيت الحيه

طبعا كله كلك بس اذا انتي مضطره تاخذين هذا النوع من حمامات الزيت

- تحذير :من حمام زيت لوريال .. وايد قوي يسبب في تساقط الشعر


طريقه استخدام حمام الزيت

- الكل يعرف هالطريقه ... شعرج رطب تحطينه لمده 10 دقائق تفريبا

لكن اللي الكثيرات يجاهلونه ... ان حمام الزيت لا يوضع على فروه الراس

يعني تتركين مسافه من شعرج ... اللي عند فروه الراس ... بمسافه اربع اصابع تقريبا

من بعد الاصابع الاربع تضعين حمام الزيت الى اطراف الشعر


في بنات يحطون حمام الزيت جنه شامبوا و هذا غلط.. ... هذي الطريقه تسبب تساقط الشعر بكثرة


لازم تتاكدين من غسل شعرج جيدا


بدائل حمام الزيت

- المايونيز .... وايد زين للشعر و يعطي لمعه حلوه

- كريم برشوت حطيه قبل الاستحمام كماسك و حمام زيت

- كريم برشوت تقدرين تستخدمينه حمام زيت

ريحته حلوه

نصيحه اليوم تقول :


لمحبي الحنه


ما اهميه الحنه

- تغذيه بو يصلات الشعر

- تغليف الشعره و حمايتها من عوامل الجو

- اعطاء لون احمر جميل

- اخفاء الشيب

- امتصاص حراره الراس


اضرار الحنه

ليس للحنه اضار سلبيه ولكن يجب تجنب وضع الحنه في فصل الشتاء

لان الحنه بالصيف تمص الحراره من الراس لكن بالشتاء تغلغل الهواء البارد في الراس

مما يصاب الانسان بصداع الراس المستمر


لا تضعين لابتك الصغيره الشقراء الحنه ,لان راح يتغير لون شعرها و يصير برتقالي




يعني اضرار الحنه يجي من ايدينا فلا تسون اللي قتلكم عليه عشان ما تندمون بعدين





ودمتم سالمين

ما تقصرين يا قلبي


ننتضر جديدك....