تحذير : لكل بنت تحب نفسها

رحت البيت وشافتني اختي
جان تعصب وتقولي شعرج يلوع الجبد
وتخرعين انتي دافعه فلوس عشان تصيرين هوله؟!؟!؟!

زاد همي هم

قام اختي ودقت على الصالون وزفتهم قالوا لها تعالي خل نشوف

اما رفيجتي
اول ماشافها اخوها
قال لها :
ووووووووووووووويع شنو هذا؟!؟!

واختها قالت لها :الصبغه مو لايقه على لون بشرتج

وامها : اسكتت مارضت تعلق (من سوء ماشافت)

طلعت الصبفه

الله يسامحهم لونين
الاطراف بني
و قمه الراس زيتيه

***
مع العلم ان البنت عرس اخوها الخميس الياي


يعني انا جنيت عالبنت
ولا بعد انا معزومه بشعري اللي لمحلي

في اليوم الثاني رحت لها ..الي اهو امس

قلت ودين المسؤله ؟؟ وين رئيستكم ؟؟

قالوا شنو اشفيج.. قلت لهم هذي صبفه؟؟؟ تلوع الجبد
انا طلبت اشقر ماطلبت صدى حديد

حاولوا يمكين يسار فوق تحت ان يصبغون لي غيرها

وانا معنده ابي مديرتكم
قالوا اوكى خلاص اهيه يايه بالطريج

***
قعدت انطر وطبعا رفيجتي بالسياره
***
يات المديره وله تطلع منو؟

ورده ..

عرفتوها .. صالون ورده الجابريه ..طلع صالوها
السالفه (1)
يات وهيه مستانسه وتقولي شعرج حلو ومافيه شي
قلت لها مو عاجبني المهم اصبغ يعجبني

***
طبعا كل وحده تمر من موظفاتها تقوليشعرج حلو وين صابغته .. وهمه امس شايفيني ان عندهم
حسبالهم غبيه بستانس وقول الله الصبفه حلوه .. صج ارف
***

السالفه (2)
قلت لها اذا ماتعرف تصبغ ل اتخلينها تصبغ حرام تخرب شعر الناس
قالت لي ان اللي صابغتلي تشتغل 25 سنه بصالون ايران؟؟!!

***
شغل ايران شي والكويت شي ثاني
شياب الياب اذواق بنات ايران لبنات الكويت!!؟!!
***

السالفه (3)
قلت لها اكو احد يخلي اكسجين بالشعر ساعتين؟!؟؟!
قالت اي بس شعرج ماحترق ولونه حلو

***
وانا انطره يحترق يا مدام ورده عشان تستانسين!!؟!!
***

السالفه (4)
قت لها شغل موظفاتج كلش موشي وان الغلطانه اني ياتكم
وله اروح سفير شكو ايج عشان تخربين شعري
قالت ماصار شي انتي موعاجبتج الدرجه اللحين دخلي نغيرها لج

***
عشان اصير مسخره؟!!؟ بلون ثاني؟؟؟
قلت لها من اول مره ماعرفت تضبط اللون الحين بتعرف
يا سبحان الله
***

السالفه (5)
قالت لي دخلي جربي شوفي يطلع اللون اللي تبينه؟
يا سلام اخلى شعر محط تجارب !!!!؟؟
جان ترقعها قالت لا مو تجارب انا متاكده ان شعرج راح يضبط الحين

***
قلت لها لا الصراحه ماقط شعري خلاص مو ثقه
***

السالفه (6)
تخيلوا شقالت؟!؟
قالت :الحين امس يتي وقطيتي شعرج وقدتي ساعين وربع ماخفتي الحين بتخافين!!!!؟؟
قلت لها انا يوم يت عباليي شعري بايادي امينه مادري اللي عندج مايعرفون يشغلون
مدحولي الصالون ووصلوه سابع سمى اخر شي طلع طل

***
تبط الجبد بختصار
***

السالفه (7)
تخيلوا ان من كثر ماحرقت شعري بالاكسجين
والله يا بنات ان اذوني ويبهتي انصلخت
صار يبهتي مبقعه دم .. كلها نقط نقط صغار دم

طبعا وريت مدام زفت وله تقول
اي عادي هذا جفاف من الصبغ
بعدين يروح

***
لا والله انا اروح صالون عشان اشوه نفسي؟!؟!
***

السالفه (8)
كنت بوريها ان شغهم كله على بعضه مو مضبوط
جان اقولها حتى الاسعار شنو من 70 لى 35 ؟؟
وين قاعدين شنو هالنصب

جان تقول اي لان رفيجتج ماتبي تدفع سولوا ها على قد فلوسها

***
صالون على مدت الايد وله في قائمه اسعار؟؟؟!!!
***

السالفه (9)
اوكى صبغتوا لها ب 35د.ك ليش صار لونين ليش مو لون واحد؟!؟!؟
.. طبعا دقيت على رفيجتي لان ماكانت مصدقه ان لونين ...

شافت شعرها
جان تقول : انتي لو دافعه 70د.ك ماجان صار جذي

***
يعني القيمه اهيه اللي تخلي الشعر لون واحد وله مبقع؟!؟!؟
***

طبعا رفيجتي امبطت جبدها ..
جان تقول شكو ؟؟ شنو الزود اللي بتسوينه افع ج 70د.ك

السالفه (10)
جان تقول لها مدام الصالون : لان لازم تفتحين شعرج (قصدها تسوي ابيض) بعدين تصبغين الون اللي انتي تبينه

***
او لمره اسمع فيها حلوه هذي لووول
رفيجتي بتصبغ شوكولا شكو تسويه ابيض بعدين تحط الصبغه؟!؟!؟
***
اذا دل دل على ان الشغل قائم على جهاله
بدون وعي
تلعب بشعور الناس
وتمشي بدون لاحسيب ولا رقيب

الله يعييييييييييينج حبيبتي


حسبي الله ونعم الوكيل فيهم

الله ينتقملك منهم

وحسبي الله عليهم هذي تبي افلوس بس
متخاف من دعوى الناس وعقوبتهم

شكله مشغله في مشغله زبالات وانتى بكرامه ميعرفون وش الصبغ يحسبونه مثل لفلاش يطول علشان يشيل الوصخ مره قالو خليه يطول علشان يشيل الصبغه القديمه مرررررررره
بس احمدي ربك انا شعرك ماطاح وصلعتى على اكسجين ساعتين
وهذا اخذ عضه وعبره لاعاد اتجربين شئ الا شايفه شغله مو بس يمدحون وهم ماجربو وتسيرين انتى اضحيه عاد عندكم جاك الكل يمدحه ومعرووووف
والله يعوضك خير وتصبغين الشهر الجاى صبغه الكل يسالك عنها
صراحه كسرتي خاطري تمنيت انى معاك علشان اعلمه اشلون الله حق ماطلع الاوفلوس الصبغه معاى علشان تجيه جلطه