الحمدالله ولدت بالسلامه (وهذي قصتي )

السلام عليكم جميعا ....

شلووونكم شخباركم .....
اشتقت لكم والله


حبيت ابشركم اني ولدت بالسلامه واحب اشكر كل وحده ساعدتني بنصايحها لي في وقت الحمل وللولادة بعد

راح اقولكم قصة ولادتي من اول شي لي اخر شي
يالله
تعالوا
....... :


اول شي رحت موعدي كان يوم الجمعه سويت سونار وعادر مافيني شي ولا عوار جان الدكتورة تقولي نسبة الماي في المشيمه كلش كلش قليلة لازم ولادة اليوووم؟؟؟؟؟
اهيا قالت ولادة انا دمووعي اربع اربع جان اقولها شلون ولاده انا مافيني عوار مافيني شي جان تقول اذا طولتي يوم راح يشكل خطر على الياهل

جان اقولها اوكي ورحت البيت تسبحت ودقيت علىى ريلي اهو بالدوام وقتله جان يطير كم الفرحه وان ميته بجي من الخرعه
عاد اهو حبيبي قعد يهون علي ويطبط ويقولي عادي لاتخافين وكلي امرج لربج وسهالات من الله انشالله
عاد تسبحت وسويت شعري واخذت جنطتي ورحنا المستشفى انا وريلي
وامي واختي يو بعدين
عاد حطتلي طلق صنااااعي طبعا
فحصتني داخلي ولاتقول 2 سانتي ونص وحطت التحميله وبدا الطلق ممعااااي بس متاخر وباااارد وايييد تعبت وبعدين فحصتني مره ثانية عشان بتشوف توسعت ولا لا؟
ولا بعدي 2 سانتي جان تحطلي تحميله ثانية وزاد العوار شوي تخيلوا انا اطلق من يوم الجمعه بليل الساعه 11 لي يوم السبت الساعه 4 يالله ولدت
عاد نزلوني غرفة الولادهواخذت كمام وبطوا الجيس وبعدين بالغصب صرت 5 سانتي
بس خالتي طلبت منهم يخففون الكمام عشان اساعدهم بالدفع عاد صرت ماشالله 9 ونص سانتي جان تقولي يالله ضغطي وانا روحي طلعت واضغط وياها
جان تشقني وولدت الحمدالله بس للاسف صار معاي نزيف بالدم واايد كنت بين الحياة والموووت لان ارتفع ضغطي ونسبت الدم صارت 10 تخيلوا
وبسرعه بسرعه يابولي جيس دم بس الصراحه تعبت تعبت شفت الموووت بعيوني

الحمدالله والشكر لك ياربي يبت ولد وسميته فارس (هذا بفضل ربي واهل البيت (ع) )
نسيت اقولكم انا ولدت بمستشفى لندن عند الدكتورة سوفييت بس وقت الولادة صارلها ظرف وراحت وولدتي بدالها وحده هندية اتوقع اسمها صوفيا
الصراحه السستراااات يهبلوووون يهبلوووون يهتمووون وايد فيني
والغرف واايد حلوة اخذت لي جناح ملكي وايد حلو

هذي قصتي