تبين تشيلين شعر جسمج بالليزر؟ تعالي اخذي فكرة عن العيادات والأسعار..وياليت الكل يشارك

كويتية أمورة · 19-11-2006, 11:41 AM

الرجاء عدم نقل الموضوع او المعلومات لأنها مجهود شخصي مني

السلام عليكم ورحمة الله وبركاته

طبعا مشكلة الشعر بالجسم والوجه مشكله أزلية ومحرجة للبعض خصوصا اللي فيهم شعر كثيف وزايد عن الحدج الطبيعي وبأماكن بارزة مثل الوجه مثلا

واكيد كلنا ودنا نفتك من روحة الصالونات كل ساعه والشيرة والحف اللي عادة يسببون الحبوب والاحمرار يعني زدنا الطين بله

عشان جذي حبيت احط هالموضوع ويصير مرجع لنا بالنسبة لعيادات ازالة الشعر بالليزر ونفيد بعض بتجاربنا والاسعار واحسن العيادات وانواع الاجهزة وكل شي تحبون تضيفونه

وانا دقيت على جم عيادة خذيت منهم الأسعار وفي عيادات واااايد مارضوا يقولون شي بالتلفون لازم اروح وافتح ملف ويشوفني الدكتور يالله يحددون السعر

فاللي عندها فكرة عن اسعار العيادات الثانية تفيدنا

والحين بحطلكم اللي اعرفه:

د.منى الفارس
الجابرية قطعه 1أ ش 104 شاكر سنتر عمارة رقم 5 الدور الاول شقة 2
تلفون: 5313256/5313255

الايدين كاملين 80
الرجلين كاملين 140
الظهر 70
البطن 50
الوجه 50
=================

د.أحمد السلطان
حولي خلف مجمع النقرة الجنوبي موازي لطريق المغرب السريع
تلفون: 2649442

عندهم عرض حاليا الجسم كامل 300 دينار لكن اذا سويتي كل مكان بروحه يصير اكثر من 300
الايدين كاملين 60
الرجلين كاملين 100
الظهر 25
البطن 25
الوجه 40
الابط 25
=================

عيادة كير كلينك
حولي الدائري الرابع بجانب جسر حولي
تلفون: 2610666

الايدين كاملين 80
الرجلين كاملين 100
الظهر 80
البطن 70
الوجه 40
الابط 25
=================

د.هناء العدساني
الجابرية بجانب ماكدونالدز ومحل 101 للألعاب
تلفون: 5349498

الايدين كاملين 60
كف اليد 10
الرجلين كاملين 80
القدم 15
الظهر 50
نص الظهر 25
ربع الظهر 12,500
البطن 30
الوجه 40
الابط 20
=================

صالون لاليك
تلفون: 5747447

الايدين كاملين 75
الرجلين لحد الركبة فقط 75
الوجه من50 الى 65
الابط من 35 الى 40
=================

هذا اللي عندي حاليا واذا حصلت معلومات عن باقي العيادات ماراح ابخل عليكم ان شاء الله

وياليت اللي عندها اي معلومة تذكرها لنا حتى الكل يستفيد

19-11-2006, 11:57 AM

والحين بقولكم عن اللي اعرفهم

هناء العدساني روووووعه وكل من يمدح جهازها هو بالضوء مو ليزر عادي ومايحر كلش ولا يحتاج جهاز تبريد والجهاز آمن حتى للحامل يصير تستخدمه
وبنت خالتي مجربتها تسوي الجلسة وعقب شهرين يطلع الشعر

منى الفارس اسمع عنها يمدحونها بس مااعرف شخصيا احد جربها يعني اسمع بالمنتديات وبس

احمد السلطان اول مرة اسمع فيه بس اسعاره زوينه مو غالي وايد

لاليك جهازهم IPL ومايحتاج تبريد ولايحر ولا شي بس مايسوون كل الجسم لانهم صالون اسلامي حدهم نص الريل مايسوونها كلها واسعارهم احسها غاليه شدعوه نص الريل 75!!

المشاري اختي سوت عنده جلسه وحدة للوجه ب 65 وماااااااتت من الحرورة يذذذذبح مع انه في جهاز تبريد بس وايد حرها وردت البيت ويهها اححححححححمر ومعطينها كريم للحرارة

وجربت بعد طلال العلي مرتين راحتلهم حق الوجه بعد وتقول زين جهازهم يحر عالخفيف بس ان لاحظت شغله هم صارت لكذا وحده عقب الجلسة لما تلمس بشرتها تحس جنه في شعر صغاااااااااااار جنه توه بيطلع يعني ماينعم البشرة مرة وحدة مع انه قالولها يطيح بروحه بس ماطاح

طيبة كلينك اعرف وايد راحوا لهم يمدحونهم وعندهم جهاز تبريد

وبس هذا اللي عندي حاليا وابي اسمع تجاربكم عاد مو بس انا اهذر هههههههه

19-11-2006, 12:02 PM

ودى اسوى بس خايفة حيل يثولون يسوى سود معن انا عمرى ماحفيت شعرى عادى موذك الزود بس مليت من التشقير

19-11-2006, 12:03 PM

لا لاتخافين مايسوي سواد خصوصا الاجهزة الباردة

روحي حق هناء العدساني جهازها واااااايد بارد وحلو ومايسود ولايزيد كثافة الشعر ولا شي

19-11-2006, 03:37 PM

ماشاء الله مجهود رااائع الف شكر لج

وهناء العدساني اسعارها حلوة

ونبي باجي العيادات ... شدي الهمة وعساج ع القوة

19-11-2006, 03:53 PM

هلا والله لافندر نورتي الموضوع

وتستاهلون حبيبتي كل خير وان شاء الله اي معلومة يديدة اعرفها بكتبها لكم

19-11-2006, 04:02 PM

يعطيج العافيه كويتيه اموره

مجهود تشكرين عليه

19-11-2006, 05:43 PM

جهد تشكرين عليه

بس بسألج ما يطلع الشعر مرره ثانيه ؟

19-11-2006, 06:32 PM

ماشاء الله اموره ابدعتي

بس تعتقدون مالها اضرار جانبيه:confused:

19-11-2006, 06:59 PM

مشكووووووووووووووره مجهود واضح عزيزتي

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 10 ( الأعضاء 0 والزوار 10)

الإهداءات
إضافة إهداء

للمزيد من مواضيعي