تبين تشيلين شعر جسمج بالليزر؟ تعالي اخذي فكرة عن العيادات والأسعار..وياليت الكل يشارك الرجاء عدم نقل الموضوع او المعلومات لأنها مجهود شخصي مني http://www.funofun.com/images/whatis.../flowerbar.gif السلام عليكم ورحمة الله وبركاته طبعا مشكلة الشعر بالجسم والوجه مشكله أزلية ومحرجة للبعض خصوصا اللي فيهم شعر كثيف وزايد عن الحدج الطبيعي وبأماكن بارزة مثل الوجه مثلا واكيد كلنا ودنا نفتك من روحة الصالونات كل ساعه والشيرة والحف اللي عادة يسببون الحبوب والاحمرار يعني زدنا الطين بله عشان جذي حبيت احط هالموضوع ويصير مرجع لنا بالنسبة لعيادات ازالة الشعر بالليزر ونفيد بعض بتجاربنا والاسعار واحسن العيادات وانواع الاجهزة وكل شي تحبون تضيفونه وانا دقيت على جم عيادة خذيت منهم الأسعار وفي عيادات واااايد مارضوا يقولون شي بالتلفون لازم اروح وافتح ملف ويشوفني الدكتور يالله يحددون السعر فاللي عندها فكرة عن اسعار العيادات الثانية تفيدنا والحين بحطلكم اللي اعرفه: د.منى الفارس الجابرية قطعه 1أ ش 104 شاكر سنتر عمارة رقم 5 الدور الاول شقة 2 تلفون: 5313256/5313255 الايدين كاملين 80 الرجلين كاملين 140 الظهر 70 البطن 50 الوجه 50 ================= د.أحمد السلطان حولي خلف مجمع النقرة الجنوبي موازي لطريق المغرب السريع تلفون: 2649442 عندهم عرض حاليا الجسم كامل 300 دينار لكن اذا سويتي كل مكان بروحه يصير اكثر من 300 الايدين كاملين 60 الرجلين كاملين 100 الظهر 25 البطن 25 الوجه 40 الابط 25 ================= عيادة كير كلينك حولي الدائري الرابع بجانب جسر حولي تلفون: 2610666 الايدين كاملين 80 الرجلين كاملين 100 الظهر 80 البطن 70 الوجه 40 الابط 25 ================= د.هناء العدساني الجابرية بجانب ماكدونالدز ومحل 101 للألعاب تلفون: 5349498 الايدين كاملين 60 كف اليد 10 الرجلين كاملين 80 القدم 15 الظهر 50 نص الظهر 25 ربع الظهر 12,500 البطن 30 الوجه 40 الابط 20 ================= صالون لاليك تلفون: 5747447 الايدين كاملين 75 الرجلين لحد الركبة فقط 75 الوجه من50 الى 65 الابط من 35 الى 40 ================= هذا اللي عندي حاليا واذا حصلت معلومات عن باقي العيادات ماراح ابخل عليكم ان شاء الله وياليت اللي عندها اي معلومة تذكرها لنا حتى الكل يستفيد http://www.funofun.com/images/whatis.../flowerbar.gif |
والحين بقولكم عن اللي اعرفهم هناء العدساني روووووعه وكل من يمدح جهازها هو بالضوء مو ليزر عادي ومايحر كلش ولا يحتاج جهاز تبريد والجهاز آمن حتى للحامل يصير تستخدمه وبنت خالتي مجربتها تسوي الجلسة وعقب شهرين يطلع الشعر منى الفارس اسمع عنها يمدحونها بس مااعرف شخصيا احد جربها يعني اسمع بالمنتديات وبس احمد السلطان اول مرة اسمع فيه بس اسعاره زوينه مو غالي وايد لاليك جهازهم IPL ومايحتاج تبريد ولايحر ولا شي بس مايسوون كل الجسم لانهم صالون اسلامي حدهم نص الريل مايسوونها كلها واسعارهم احسها غاليه شدعوه نص الريل 75!! المشاري اختي سوت عنده جلسه وحدة للوجه ب 65 وماااااااتت من الحرورة يذذذذبح مع انه في جهاز تبريد بس وايد حرها وردت البيت ويهها اححححححححمر ومعطينها كريم للحرارة وجربت بعد طلال العلي مرتين راحتلهم حق الوجه بعد وتقول زين جهازهم يحر عالخفيف بس ان لاحظت شغله هم صارت لكذا وحده عقب الجلسة لما تلمس بشرتها تحس جنه في شعر صغاااااااااااار جنه توه بيطلع يعني ماينعم البشرة مرة وحدة مع انه قالولها يطيح بروحه بس ماطاح طيبة كلينك اعرف وايد راحوا لهم يمدحونهم وعندهم جهاز تبريد وبس هذا اللي عندي حاليا وابي اسمع تجاربكم عاد مو بس انا اهذر هههههههه |
ودى اسوى بس خايفة حيل يثولون يسوى سود معن انا عمرى ماحفيت شعرى عادى موذك الزود بس مليت من التشقير |
لا لاتخافين مايسوي سواد خصوصا الاجهزة الباردة روحي حق هناء العدساني جهازها واااااايد بارد وحلو ومايسود ولايزيد كثافة الشعر ولا شي |
ماشاء الله مجهود رااائع الف شكر لج وهناء العدساني اسعارها حلوة :) ونبي باجي العيادات ... شدي الهمة وعساج ع القوة |
هلا والله لافندر نورتي الموضوع وتستاهلون حبيبتي كل خير وان شاء الله اي معلومة يديدة اعرفها بكتبها لكم |
يعطيج العافيه كويتيه اموره مجهود تشكرين عليه |
جهد تشكرين عليه بس بسألج ما يطلع الشعر مرره ثانيه ؟ |
ماشاء الله اموره ابدعتي :) بس تعتقدون مالها اضرار جانبيه:confused: |
مشكووووووووووووووره مجهود واضح عزيزتي |
| الساعة الآن 09:01 PM . |
Powered by vBulletin® Copyright ©2000 - 2012, Jelsoft Enterprises Ltd.