طريقة كنتاكي بالبهارات السرية

قوة يالحوريات
اليوم جبت لكم طريقة عجيبة لعمل
<دجاج كنتاكي>
واكيييييييييييييد كل بيت يحب يعملها وانا أول وحده مجربتها وعلى ضمانتي
1~ تقطعين دجاجتين طبعاً بعد التنظيف وتتركينها بمشخال عشان الماي اللي فيها ينزل
<<<<<<<<< ونجي الحين للبهار>>>>>>>
1 ملعقة وسط اوريجانو< مجدي>
1ملعقة وسط زنجبيل طري مدقوق
1 ملعقة صغيرة بردقوش<مجدي>
1 ملعقة شاي فلفل اسود مطحون مجدي <يعني تكونين توك طاحنته>
1 ملعقة وسط فلفل حار طازج مدقوق
2 ملعقة كبيرة ثوم مدقوق
2 مكعب ماجي مذاب بقليل من الماي الحار
2 ملعقة كبيرة صلصة صويا
1 ملعقة شاي ملح
********************
اولاً لبسي دسوس لأن وراش الدجاج تدعكينة بيييييييييييدش عدل مدل
تحطين الدجاج في بادية كبيرة وترشين عليها كل البهارات والزنجبيل والفلفل والماجي والصويا
وتتركينة يستحسن قبلها بيوم
وبعدين تغمسين الدجاج في بيض وبعدين في البقسماط وتكونين حاطة مقلاة غويطة عالنار فيها دهن ساخن حيييييييل وتبدين تقلينهم لين تستوي وتحمر قليلاً بس موتحرقينهم
وبالعافية ياقلبي