برياني ربيان غدانا اليوم <<<<

راح ابلش على طووووووول


المقادير

بصله شرايح رفيعه
بصله مفرومه + ثوم مفروم
فلفل اخضر رومي بارد + قرن فلفل حار
زنجبيل مبشور قطعه صغيره
ربيان طازج ( انا حطيت مجمد )
ليمونه + برش من قشر الليمون ( اللون بس من غير البياض )
كزبره مفرومه + بقدونس مفروم ( ممكن اشبنت اذا حبيتي )
معجون طماط ( صلصه طماط)
بهارات + لومي مطحون ( ليمون اسود مطحون )


الطريقه

الربيان نفتح ظهرة ونظفه نشيل الخط الاسود ونغسله ونقعي في ليمون وبهارات
بعدين اخذي جدر وحطي ماي حار وبهارات يابسه والربيان وخلي شويه دقايق بس
وشيلي الحين الربيان زاهب للحمس



اول شي نحط دهن ونحط البصل الشرايح ونسويهم لمه يصير لونهم بني او ذهبي ونحط عليه شويه بهار وثوم مبشور

نشيلهم من الجدر ولا تكبين الزيت خليه وحطي البصل المفروم مربعات صغيره مع قرن الفلفل الحار
ونحمسهم لمه يصير شفاف ونحط الثوم والزنجبيل (الجنزبيل )



واهني حطيت الفلفل الاخضر البارد



ونحمس شوي ونحط صلصه الطماط



والبهارات ونحمسهم شويه ونجيب الربيان ونحطه وياهم ونحمس عدل ونحط برش الليمون وعصرة ليمون وملح وفلفل اسود





ونحمس ونحط الكزبره عليه





يكون خلص الربيان عندنا الحين نخلي على جنب
ونسوي العيش بعد ما غسلنا ونقعنا نحط بالجدر شوي دهن ومكعب ماجي مال العيش ونحط العيش والماي الحار ونخلي يستوي
بعد مايستوي العيش ناخذ شوي منه ونسوي طبقه عيش وبعدين ربيان ورشه كزبرة ورشه بصل الي قليناه وقطعه زبده



وبعدين عيش ونحط على العيش ماي ورد وزعفران منقوع وقطع زبده
ورشه بصل ونسكر غطا الجدر ونخليه شوي ياخذ الطعم والريحه اممممممممممم




وهذا الشكل النهائي









بالـــــــــــــــــــــــــــــــــــــــــــــــ ـــــــف عـــــافـــيـــــــــــــــــــــــــــــــه