إزالة دهون الأنف

السلام عليكم بنات حور الكويت ..

اشلونكم كويتيات وخليجيات وعربيات ..

عقدتي بهالدنيا وأبي لها حل الدهون امخليه خشمي يصير منتفخ وعريض وكله بسبت الزيوان ( الرؤوس السوداء )

شريت هيربل من الصيدليه مفعوله مو ذاك الزود ..

جربت الخل مفعوله هم يعني ..

الزنجبيل مفعوله مؤقت خمس دقايق ..

الماي المملح ما نفع ..

صابونة نيتروجينا حسست بشرتي وخشمي ما راحت منه الدهون ..

سمعت عن جمال الحربي يقولون إن يقز ابره اتشيل الدهون اللي بالأنف .. بس أخاف إن السالفه جذب أو فيها جوانب سلبيه ..

يا الله يا مستعان ..

بنات دوركم ألحين تعطوني الحل أبي شغله اتشيل الانتفاخ .. ورحت قبل جم يوم الصيدليه قالت لي الصيدلانيه عندي لج

شغله والله اني ما اجذب عليج اتشيل الرؤوس السودا والدهون اللي بالأنف .. بس بجربه وبقولكم النتيجه ..


وإذا عندكم حل ياريت وأطلب من الله إنكم اتساعدوني .. واحنا انعين وانعاون ..

وأكيد وايد بنات يشتكون من هالشي وإنشالله أي شي أجربه وينفع بقولكم مارح أخش عنكم أي شي .. لأني عالم من التجارب لول


والله يوفق الجميع ويزاكم الله خير