تعالوا نفيد بعض بطرق تنظيفنا للبيت ...

حور البطة · 18-11-2009, 06:18 PM

السلام عليكم ورحمة الله وبركاته

شخباركم يا حوريات اليوم قلت لازم احط موضوع يفيدنا بطرق تنظيف البيت ..

طبعا اكيد كل وحده عندها منتجات سهله الاستخدام ومفعولها مفيد

او عندها طرق تنظيف حصريه لها

الحين تقدر تحطهم لنا وتفيدنا فيهم يالله كل وحده تقول طريقتها ...

انا بتدي طبعا

لغسيل الملابس شي اكيد الصابون والكومفرت وشي ما استغني عنه الي اهو

فانيش وعندي منه 4انواع لاتستغربون تدرون اليهال والكاكاو

البخاخ ارش منه على الملابس لمده دقيقه بعدين اغسله بالغساله ... البودر قفشه مع الغسيل

اقراص فانيش بالكره الزرقاء

احذف لي وحده مع الغسيل

فانشي السائل .. احط على الملابس الي فيها بقع صعبه واخلي ربع ساعه مع شويه ماي وبعدين افرك البقعه بيدي واغسله بماي واحطه بالغساله يكمل الغسيل

والحين للمرايا الي بالبيت امسح بفوطه فيها ماي وارد امسح بجريده

ووووو .... خل اشوف استعمالاتكم اول ..

على فكره الفانيش كل مره استخدم شي مو كلهم مره وحده ديري بالج

يعني اليوم غسلت بالقطع باجر بالسائل وعلى حسب نوع البقعه ...

18-11-2009, 08:30 PM

وعليكم السلام ورحمة الله وبركاته

طريقتج تنظيف المرايا نفس طريقتنا <<< يصير لها لمعه وحدها نظيفه ....

اقراص فانيش ... طريقتي فيها .....

اجيب طشت واحط فيه ماي ساخن .... واحط قرصين واحط استكانات الشاي وقلاصات الماي .... انقعهم نص ساعه وبعدها اغسلهم عادي ....
شوفي اللمعه والنظافه

ولي عوده بأذن الله تعالى

18-11-2009, 08:56 PM

وعليكم السلام ورحمة الله وبركاته

الله يعطيك العافيه يالغلا موضوع روووعه

انا المريا امسحها بمعجون الاسنان ما تستغربون احط شوي معجون اسنان بالفوطه وامسح بيها المرايا ومن ثم اسفنجه مبلوله ومن ثم امسحها بورق الجرائد تعطي لمعه وااااااو وحتى لما تتسبحين بخار الماء ما يتراكم على المرايا

والصالونات استعملهم معطر قوي اسمه marاحط منه استكانة شاي على سطل مويه متوسط وبعد ما اكنس البيت امسح بيه السجاد والصالونات والله الريحه تبقى ثلاث ايام وطبعاا والفرش بعده مندي ابخر البيت بالعود والعنبر الله الله على الريحه

ولي باك بطرق اخرى

18-11-2009, 10:26 PM

فضة

طريقتج حلوة وغريبه للمرايا
وراح أجربها لأني اعاني من بخار الحمام عزج الله على المرايا

18-11-2009, 11:26 PM

موووووضووووووووع روووعه بطووووووووطه .. بس بغيت أنبهج إن ما يجوووز نمسح بالجريده لأنه قد يكوون

فيها لفظ الجلااله .. فانتبهي بارك الله فيج ..

لي عووده بالمشااركه ..

18-11-2009, 11:26 PM

اقتباس:

المشاركة الأصلية كتبت بواسطة الحـــــور

فضة

طريقتج حلوة وغريبه للمرايا
وراح أجربها لأني اعاني من بخار الحمام عزج الله على المرايا

اي جربيها انا كل يوم امسح مرايا الحمام بمعجون الاسنان

حتى بعد ما اتسبح ما اعاني من بخار الماء اللي متراكم

نورتي يالغلا

19-11-2009, 08:44 AM

جربوا تمسحون أرضيات البيت والحمام تكرمون ويكرم السامع بسائل المعطر للأرضيات أطياب المحيسن عجيب بالنظافة والريحه وتدوم ريحاته وقت طويل

19-11-2009, 04:21 PM

فضة.... راح أجربه بإذن الله

حنكوشه
ايييي هذا روعة... انا ما استغني عنه بتنظيف بيتي شي اساسي

19-11-2009, 10:31 PM

السلام عليكم .. قتلكم لي عوده للموضووع الحلوووو ..

اليوم جايبتلكم منظف عجييييييب .. هو للحمام مكرم القاااارئ ..

وهذي الصوووره ..

وهذي الصوووره من قريب ..

21-11-2009, 04:15 PM

تسلموووووووووووت يا حوريات على التفاعل الحلو بالموضوع فديتكم

وطرق كلها حلوه وسهله بجربها ان شاء الله ..

بس ابي ضحكه الدنيا يريت تحطين صوره السائل للارضيات لان انا استخدم داك وخاطري اجرب الي قلتي عليه بس ابي اشوفه عشان ما اضيع

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 3 ( الأعضاء 0 والزوار 3)

للمزيد من مواضيعي