بالسبت بكون بالكويت**ساعدوني بالسياحه فيها:)

20-12-2007, 09:10 AM

السلام عليكم

عيدكم مبااااااااااااااااااااارك
وعساكم من العايدين والسالمين

بالسبت ان شاء الله بكون في الكويت ولمدة اسبوع وبنسكن في السالميه

فبغيت منكم تساعدوني عن بعض الاماكن السياحيه
بما انه سفرتنا فيها يهال فابغي اعرف شوه اسماء الاماكن الترفيهيه الي تصلح للاعمار من 9 سنوات واصغر
وفيه شي كنت اشوفه بالتلفزيون مرات اعتقد اسمه المتحف العلمي كانو يطلعونه ببرنامج تلفزيون الاطفال

واهم شي اماكن الشغلات النسائيه الحلوه طبعا الدراعات والفساتين وووووو فساتين البنات الصغار بعد عن تزعل علي

بنت اخوي :D

20-12-2007, 11:52 AM

عندج الاماكن الترفيهيه لليهال> المدينه الترفيهيه........حولي بارك ........حديقة الحيوان .....حديقة الشعب ..اكوابارك المائي.....

الاسواق >>>>>في المباركيه ............وفي الفروانيه فيها الحلو والغالي والرخيص ........... وفي المجمع الجديد الافنيوز<<<<مطاعم ومحلات الماركه وغيره كثير<<قلت لج هالاثنين لاني اعرفكم تبون الاماكن الحلوه اللي كل شيء فيها ........وفي اماكن كثيره ........

21-12-2007, 09:33 AM

تسلمين يا ام اورود
ما قصرتي
بغيت بعد اسماء مطاعم حلوه بس تكون برع المراكز
هنديه او شاميه

21-12-2007, 08:08 PM

هلا فيج ، وحياج الله بالكويت

عاد الجو حلووو، ومطر بعد، بس ديري بالج اذا عندج اطفال ترى الجو حيييل باارد

الكويت تقريبا اللي فيها المجمعات عندج مجمع الافنيوز هذا تقريبا اجدد مجمع، فيه مطاعم وسينمات ومحلات زارا ، مانجو ، برمود،جاب،فور ايفر،نكست، بودي شوب، .........................................الخ محلات كثيييره الصراحه

ومطاعم بعد، عندج مطعم ليلي من لبنان حلووو اكلهم ونظيف هذا طبعا كله بالمجمع.

اذا قصد عن المركز العلمي، فهو فيه سينما يعرضون افلام تعليميه ومسليه حلووه راح تعجب الاطفال

عندج سوق المباركيه سوق شعبي فيه شغلات حلوه، وفيه مطاعم قعدات بره حييل حلوه بهالجو

اتمنى لج اجازه حلوه ...

21-12-2007, 08:22 PM

ويييييييييي فديت الكويت

كل شي بالكويت حلو << مغرمه بالكويت

المجمعات عندج
الافنيو
المارينا
شرق
المهلب << هذا فيه صناعه محليه اذا تحبين هيك
وفي كثير بعد

اذا تبين الدراريع روحي للفروانيه
(العربيد) مال الدراريع
لان فيه شغلات حلوه
بس عيبه انه مكررررررررررر
يعني بما انج مو من الكويت راح ينفعج كثير

واذا تبين اثاث
ترى الاثاث عندنا بالكويت روعه

تو وحده من خوالي بـ قطر
شرت طاولات من (الضجيج) واشحنتهم لـ قطر

والاماكن السياحيه

اقتباس:

عندج الاماكن الترفيهيه لليهال> المدينه الترفيهيه........حولي بارك ........حديقة الحيوان .....حديقة الشعب ..اكوابارك المائي.....

ماقصرت ام الورود

وفي بـ الافنيو .. محل اسمه برّوي
اهو كبيــــــــر وفيه مدينه العاب

حلو حيل .. اليوم كنا مودين الجهال له
كانو مسوين عرض
وجايبين التي في قناة الراي
وبعدها فقره الساحر

وحيــــــل استانسوا الجهال

والمطاعم .. انا مو من عشآق المطاعم
بس احب اكل (مغل محل) مطعم هندي
واحب مطعم مركز سلطان اللي ع البحر

وبما انكم زوار
روحوا تعشوا والا تغدوا بـ (الابراج)

مع ان مطعهم مو ذاك الزود

بس خلو الجها يستانسون فيها ويصورون عندها

ووووو بعد اممممممم

ماادري اسألي واحنا بنجاوبج

اهم شي هـ الله هـ الله بالبس الثقيل
ترى هـ اليومين الكويت برررررد

والسموحه ع القصور

:

بس
ماقلتيلنا انتي من وين...؟

وحيـــــــــــــــآج ياقلبي .. بتنورين الكويت

21-12-2007, 09:39 PM

البنات ماقصروا بس أهم شي تودين اليهال المركز العلمي وكثري ملابس ترى بررررررررررررررد ومطر

22-12-2007, 12:16 AM

عندج المركز العلمي

ومطعم ميس الغانم بس عطلتهم يوم الاحد وداخل المطعم العاب لليهال

المارينا مول ومرتبط بجسر مع المارينا كريسنت اللي فيه مطاعم

ضروري تخصصون يوم للفحيحيل تروحون فيه هلتون المنقف ومجمع لكوت وسنتربوينت المكان هناك عجيب

وحياكم الله الساعه المباركه

22-12-2007, 12:27 AM

ماقصروا البنات

بس الشعب والمدينه الترفيهيه حق كل الاعمار وماتصلح وايد لليهال الصغار

تصلح لشلة بنات او شباب

لان اغلب الالعاب للكبار

29-12-2007, 09:34 AM

هلا وغلا فيكم والله

فديت والله بنات الكويت ما قصرتو
امس رجعت من السفر
وطبعا كححححححح كححححححح
من كثر البرد
وافترينا باماكن كثيره بالكويت
منها مجمع المارينا بس طلعنا بسرعه وما كملنا
ومجمع الكوت
سوق شرق
مجمع المنشر ...وحصلت محل عطور عربيه روعه عطوره اسمه محمل العود على ما اذكر
سوق المباركيه
العربيد
ميس الغانم وييييييييم على اكلهم وعلى خدمتهم السريعه ومكانهم راقي وايد ومرتب
مطعم فريج صويلح للاكلات الكويتيه
سوق السالميه
مدينه الكويت الترفيهيه بالصليبخات
ابراج الكويت

لاحظو ترى اكثر طلعاتنا كانت تسوق لين اليهال ملوووو من الطلعات وقامو المساكين يتأففون من كثر طلعاتنا للاسواق

وكان خاطري اشتري بخنق حق بنت اخوي وبنات خواتي بس للاسف ماحصلت

امممممممم
مادري ان نسيت شي بعد
بالنسبه للحراره اول ما وصلنا المضيفه بالطياره قالت انه الحراره 7 مئويه فانا اطالع مرت اخوي واهي تطالعني@_@
معقوله!!! وما صدقنا لييييييييييييييييين حسينا البرد في عظامنا

والله عليج يالكويت

وخااااااااااااااااااطري اييج بعد مره ثانيه لانه ما شبعت منج
وتسلمووووووون كل من كتبت لي مشاركه حلوه لها بهالموضوع والله لا يحرمني منكم

29-12-2007, 10:45 AM

^
^
اهم شي انكم استانستو

و
الحمدالله ع السلآمه

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
فضة من ــــــي لاحلى عطوررر : هلا والف غلا بعطر الخزااامى النور نورك يالغلا وانا اكثر يالغلا وان شاء الله نردو المنتدى زي اول وافضل وبأذن الله يجتمعوا جميع الخفافيش إضافة إهداء

للمزيد من مواضيعي