عشان عيالنا

موضوع هادف يالغالية ياسمين
انا معاج اذكر في اجتماع امهات بنتي قالت الأبله لأم طالبة ليش البنت مو فاهمه شي ولا تحل الواجب

جان تقول الأم والله تعاندني على حل الواجبات وقلت لها كيفج بالطقاق....!!!
تخيلي... بدل ما تشد عليها مخليه البنت تمشي رايها على أمها؟؟؟

انا بنتي اول اسبوعين كانت ضعيفة بالعربي بس لأن توهم طالعين من الروضة شعرفهم بكتابه الجمل من اولها

بس الحمدلله ما خلص الكور إلا وبنتي مع الشد عليها درجاتها كلها امتياز وتقديرها امتياز والحمدلله

الأم لازم تشد على البنت وتفهمها ان الدراسة مستقبلها بس تشرح لها على قد فهمها


وبإنتظار أمهاتنا الغاليات

كلامك صحيح ياالحور

الأهل لهم الكلمه على عيالهم لازم يتعودون على كتابة الواجبات كل يوم وأول بأول

حتى لاتتراكم الواجبات ويتعلم الطفل على الإهمال ولازم يحس إن المدرسه راح تعاقب

الطفل إذا ما كتب الواجب

يسلملي مرورك الحلو يالحور

سالفة عناد الطالب في حل الواجب هذي وارده لكن يجي دور الام انها تشجعه وتثيبه لو بالكلمه الحلوه لا يمنع هديه صغنونه بس مو كل مره عشان مايتعود انه مايحل الواجب او يحفظ غير بهديه بس لازم دايما تشجعه بالكلمه الحلوه اللي فيها مؤثرات صوتيه عشان يحس الطالب بأهمية اللي قاعد يسويه

عطر الخزامي تسلمين يالغاليه على المشاركه الحلوه

المشكله ان بعض الامهات عشان ماتتراكم الواجبات على قولتج شنو تسوي تحل اهي الواجب وهذا اكبر خطا ممكن تقوم فيه الام تجاه ابنها لانه هنيه راح يعتمد على امه ولاراح يفهم شي لكن خليه يروح والواجب مو محلول عشان المعلمه تعاقبه ويحرص مر ثانيه على حل الواجب

صاجة ياسمين
اعرف وحده تخيلي اهي تحل الواجب عن ولدها واهو يروح الصبح مرتاح عالآخر
والمشكلة الأبله تعرف ان الخط مو خطة وجم مره تقول له لا تخلي امك تكتب الواجب انت اكتبه
لكن شنو نقول..... عمج أصمخ ولليوم اهي تحل واجبات ولدها واهو يلعب كورة بالحوش

الحور الام اهنيه حرام عبالها تساعد وهي قاعده تضره بشكل كبير
وبعد الشرهه على المدرسه اللي ساكته

تدرين ليش؟؟؟
المسكينة تعبت واهي تقوله ادرس ادرس ادرس
وبالأخير قامت تحل له الواجب شتسوي فيه كبير عمره 13 سنة ما تقدر تطقه
بس اكبر غلط الي قاعدة تسويه

ترى اليهال قدرات انا بنتي اسم الله عليها شاطره ممتازه من اولى بس ولدي باولى معذبني استيعابه بطيء وبسرعه ينسى بس الحمد الله يابلي جيد جدا مع ان انا اضقط عليه اكثر من اخته بس ماكو

الولد دايماً تدريسه أصعب من البنت الله يعيننا لأنه اعند منها