أنا أمكم .. أم المعرس وين تفصل ؟؟؟ - الصفحة 2

21-02-2010, 08:16 AM

حبيبتي انا رفيجتي خالتها لبسه دراعه هجييب مسويتها بالفروانيه فووق سوق المتياز الذهبي خليها تروح وخلي الرجل يصمم لها دراعه يسويلج موديل حلوو يخبلج عاد رفيجتي خالتها دراعتها عجيبه لبسه لبس جنه لون فيروزي وعليه لون فوشيء يهبل منقش بالشورفسكي وفي خام او تطريز بالفوشيء يهبل

واذا امج تلبس برقع خليها تروح عند ام نوره العلاج للي بالعميريه عندها سؤالف هذولي واذا ما تبي غالي خليها تروح الجليب يفصلون لها رخص بواجد

ان شاء الله فدتج

المحل للي فوق بالمتياز لونه فوشيء راح تشوفينه جن اسمه فاشن

25-02-2010, 10:31 PM

انا اقولج شوفي بعرس اخوووي الكل انجن على نفنوف امي مع انه امي متيييييينه !!!
شوفي شسويت رحت البلوكات وشريت خامه عاجبتني بعدين رحت العربيد واخترت موديل بس بالخامه اللي عندي وعلى فكرة امي تلبس برقع وشيله وطلع روووووعه....والبراقع والشيال ام نورة بالصباحيه وبالعربيد مو شرط الموديل نفسه بالضبط ..انتي وابداااعج ..اتمنى اكون افدتج وسلميلي على امج

25-02-2010, 10:32 PM

يااا ربي كل ما اكتب صغيير مع اني اضبطه الله يعينكم عالخط

27-02-2010, 02:26 AM

هلا ياخاله انا بنتك من السعوديه

اذا تامرين على البرقع والشيله ابشري ارسلهم لك بس متى موعد الزواج

وبالتوفيق انشالله

05-03-2010, 05:01 AM

ماشاء الله ما قصروا حبايب قلبي ^_^

وبالمبارك وعسى ربي يتمم بخير ^_^

15-03-2010, 06:56 AM

ياحلو امج الله يخليها لكم ويفرحها بولدها
شوفي يوم عرس اخوي شريت لامي خام من البلوكات كانت قمة لونها تركواز قلنا بشببها امي اصغيرة بس تستحي
وفصلتلها موديل عن خياطتنا فايزة بالنمران طلع قمة والكل سالها عن مو ديلها امي تلبس برقع

شرت البرقع شيفون والملفع هم شيفون من محل كان موجود بالدبوس الفروانية بس للاسف الدبوس شالوة محل عجمية جن اسمها نورة يقولون موجود بالمنطقة العاشرة محلها؟
شوفي الحريم عندهم ملافع شيفون حلوة

وخالتي بعرس ولدها شرت دراعة بس قمة من المعرض السوري كانت علي تايقر مغامرة بس شكلها قمة نفس موديلات سميرة توفيق ابو كم طويل ماعرف شسمة اذا لقيت موديل بطرشة لج بالخاص

اشتطيت الا ام المعرس

15-03-2010, 09:04 PM

هلا حبيبتي الله يهنيكم ...شوفي روحي محلات الخام اللي بالنمران واخذي لها خامه تور مشكوكه وبطنيها ببطانه لونها يكون منور مثل الأخضر أو الشذري أو الأحمر الفوشي والله تطلع روعه كل العروس اللي أروح لها كل الحريم الكبار جذيه ..وبالنسبه للبرقع والشيله تلاقين حريم مبسطات قبال العربيد يبيعون هالسوالف وعندج محل شفتي مطعم قيصر بالفروانيه محل لي وقفتي على اللفت يصير يمينج شيالها وبراقعها حلوه والله يهنيكم ولا يخيب التعب ....

18-03-2010, 01:57 AM

الله يهنيكم يا حياتي ... انا حاسة بشعوركم لان اخوي بيتزوج بعد فترة ... وعارفة دوخة التفصال ...
لكن في الردود الاسطورة حاطة صور دراريع حلوة اعجبوني و الله ... و حطي عليهم شوارفيسكي و يمشي الامر .. احسن من الروحة للمعارض و اسعارهم الخيالية...

19-03-2010, 10:13 PM

اولا الف مبروك ياام اسيل جعل فاله العيال وطيب الفال بنسبة دراعة ما عندي فكرة بس بنسبة للبرقع وشيلة في محل براقع عند العربيد للدرايع يمدحون براقع عندة

20-03-2010, 01:28 AM

الله ايهنيكم ياقلبي
اذا امج تحب تلبس مسرح شوفي أم نورة العلاج اللي بالعميرية اتسوي المسرح مع الملفع شغلها حلو ومميز

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تصطادين المعرس..!! هــــ .. ـع	ياورد من علمكـ تجرحـ	العروس	8	05-08-2009 12:25 AM
أم المعرس تضرب ولدها فى الحذاء فى حفلة العرس أمام المعازيم	فرحة عمري	القصص والروايات	16	23-09-2007 06:40 PM
خبر عاجل : فلبينية تفصل رأس طفلة كويتية عن جسدها	بحور الكويت	الحور العام	12	07-01-2007 04:44 PM
ورجعت بينكم حبيباتي شكرا للكل	شهدQ	في ضيافة حور الكويت	15	22-08-2006 03:42 AM
موقع للأعاب مناسب للكل	kيـــ روحي ـــاk	ملتقى حور الكويت	5	22-07-2006 04:40 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء