محتاجة لرايكم ضرورري ( بدون تجريح أنا فعلا مو عارفه شأسوي)

بالعكس كلامج مرتب وعين العقل ماشاء الله عليج علاقتج بهالشاب اسمحيلي اقولج لازم ترسي علي بر يااما تتزوجينه بالحلال ياما كل واحد يروح بطريجه لمتي بتمين معاه وتحبينه وبعدين شنو هالتفكير للحين اصيل ومو اصيل الحين مو دارين عنج 3 شهور مسافره يوم بتزوجين بالحلال وريال الكل يشهد باخلاقه بيرفضون ويسالون خليه يتقدم ماراح تخسرين شي وادعي ربج الله يوفقج وياه وتتزوجينه مالج الا تلجاين لربج بالدعاء والاستغفار وافقوا كان بها ماوافقوا لعل المانع خير وخلي الريال يشوف حياته ويتزوج وهم انتي تشوفين حياتج صعب بدون موافقه الاهل عمر الوحده ماتتوفق بزواجها وهذا شفته بصديقاتي تزوجوا غصب عن اهلهم واندموا للحين اهلهم صاكين الباب عنهم والريال يبيع ويشتري فيها واقل هوشه يقولها انتي مافيج باهلج بيصير فيج خير فيني واتمني تتقبلين نصيحتي

كلام اختي مشمشه عين العقل
اتمنى لك كل التوفيق دعواتي لك من القلب

حيااااتي إنتي سألتي وجاوبتي على نفسج
>>موعارفه شاسوي ؟؟ تعبت من التفكير ,, حتى مو قادره اقوله تفضل بيتنا اليوم الفلاني ..خايفه من ردة فعل اهلي ,,اخاف اواجههم واخسر حريتي اللي الحين عايشتها بطولها وعرضها..واخاف مااواجه واخسر الشخص الوحيد اللي حبني وعطاني قلبه.. اوقات اقول لو اخذته غصب عنهم ( وهالشي صعب ) وخسرتهم شاللي يضمن لي انه يحترمني وهو عارف اني خسرت عزوتي..واساسا شلون بتكون نظرته لي وهو حاس انه منبوذ من اهلي <<

يا حياااتي إهو ما تعلق فيج إلا وإهو عارف إن إهو مو أصيل يعني مو بس بتخسرين أهلج إلا كل العايلة إحنا كلنا أولاد 9 وكلنا مسلمين بس الرسول الكريم وصانا بالنسب يعني ما إنتي قبلية وإخذي من اللي تاخذونه ياما بنات من أهلنا حبوا وعيلوا والحين متحسفاااات على اللي تزوجوهم لاتنفعلين وتتسرعين ونطري نصيبج اللي من مواخيذكم ...والله يرزقج بولد الحلال اللي يفرحج ويسعدج ويهنيج

حبيبتي

اسال الله لك النصيب الصالح

شوفي انا قبليه واعرف ان الشي هذا مستحييييييل يصير
صح ما فيه فرق الا بالتقوى بس الناس عندها عادات وتقاليد
وعرف يمشون عليه ، لا تخسرين اهلج عشان شي شبه مرفوض
وتعوذي من ابليس واتركي هالعلاقات الغير صحيحه << اسفه

وتوكلي على ربج واهو الرزاق الكريم

لا تزعلين من كلامي بس هذا رأي اتمنى تقبلينه

واسال الله لك التوفيق
وان يرزقك الزوج الصالح التقي

ماعندي خبرة بهالمواضيع
ولكن حبيت اقولج موفقة حبوبة و اتمنى ان الله سبحان ييسر لج امرج ويعطيج على قد نيتج
ولكن هم اشوف كلام مشمشة <<عين العقل>>