استفتاء : تفضلين تعيشين عند حمولتج.. او .. بشقه ؟؟؟

والله شوفي كبداية زواج أفضل السكن في بيت أهل الزوج بشرط توفر شقه تكون كافيه فيها غرفتين نوم وصاله وحمام يعني مو حده حده لي ياو اليهال نتوهق هذا بالنسبة حق اللي ظروفها مثلي ظروفي يعني لأن دوامي مدته طويله وما عندي وقت أطبخ وأبي أحد يقعد مع ولدي لكن للأسف بيت أهله ما عندهم مكان حقنا كنا قاعدين بغرفه وحده وحسيت بالضيج وطلعت بس تحسفت ودي اكون موجوده على الأقل أرجع لقمتي جاهزه وولدي موجوده بإيد أمينه مو كل يوم مثل حالتي أروح أقعد ولدي عند أمي وأسوي الطريج طريجين....

وبعد يعتمد على العلاقه بالدرجة الأولى بين الولد وأهله إذا أهو وايد ويا أهله ويسمع كلامهم بأي شي أعتقد من الأحسن يطلعون بشقه عشان لا يلزق فيهم ويلتزم معاهم وتشوفينه كل شوي مطرشينه مكان أو طاقين عليكم الباب...

لكن اذا علاقته عاديه ممكن ياخذ منج وياخذ من أهله يعني نقول ريال حقاني هذا تمام ممكن تعيشين مع أهله لأن أي شي بيصير راح يوقف مع اللي وياه الحق

وبالدرجه الثانيه علاقتج انتي بأهله إذا كانت زينه قعدي وإذا مو زينه لا تقعدين

يعني كل على حسب الظرووووووووووووووووووووووووف

هلا ام محمد حياج .... كلام عدل .... انا اشوف اللي بيت اهل زوجها يوفرون لها شقه زينه و اكل البيت واحد يعني المطبخ يطبخ للكل .. اهني اقول للزوجه قعدي ومسكي ارضج ....

بس اللي الاكل عليها ... و الشقه غرفه او غرفتين .... وو مشاكل وو مراقبه ( طلعت راحت سوت حطت ) ... انصحها تطلع بشقه حتى لو الأجار ياكل من المعاش .... والله يا بنات الواحد يشتري راحته ....


ودي اشوف راي البنات اللي كانوا عند حموله وبعدين طلعاو بشقه ... !

بس اللي الاكل عليها ... و الشقه غرفه او غرفتين .... وو مشاكل وو مراقبه ( طلعت راحت سوت حطت ) ... انصحها تطلع بشقه حتى لو الأجار ياكل من المعاش .... والله يا بنات الواحد يشتري راحته ....


انا عشت هالتجربه

لهذا افضل سياسه خلك بعيد وسالم

وبعدين مامن بعد السيارت تقرب المسافه

البعد بالقلوب

انا مثل كلام ام محمد اذا علاقتها زينه والحمدلله تقعد عندهم واذا المكان متوفر لها يعني واسع ويكفي ...مالها عذر تطلع لكن اذا غير جذي افضل تطلع ترتاح وتريح ...



يسلموووووو عالموضووووع

بالنسبة لي انا جربت العيش ببيت الحمولة لفترة اربع سنوات بعدها طلعنا شقة
ولكل منها مساويء ومزايا
يعني بالنسبة لبيت الحمولة تحسين بالتزام ولازم ضروري كل يوم تنزلين تقعدين معاهم ما لايقل عن ساعتين ولا يقولون عنج عازلة نفسها
والمشكلة الثانية تحاتين اللبس خاصة الدراريع والمعاش كله على اللبس
والشي الثالث لازم تحاسبين على كل كلمة تقولينها وتجاملين



بعدين اكمل تعبت

والله اثنينهم لهم مزايا وعيووووووووب


القعده عند اهل الزوج التزاااااام حتى لو شقتج راهيه .. لازم تنزلين لهم كل يوم وتكونين كاشخه وتشاركينهم الجو الاسري اقصد تندمجين معاهم .... وفي شغله الزوج اذا كنتي ببيت اهله عادي عنده يسهر ويطول برا البيت لانج ببيت اهله مو بشقه بروحج هذي مشكله البعض يعاني منها لكن لو كنتي بيت بروحج بيحاتي ولازم يجي بدري


بس الحلو فيها انج تفتكين من الطبخ اذا كنتي اداومين ما تحاتين ......



واذا كنتي بشقه بروحج اكيد استقلاليه وعلى راحتج باللبس والطلعه والدخله وحتى لو بتعزمين اهلج ورفيجاتج عادي ........

اشكركم على مشاركتكم ..... الدكتوره و بيور هني ... تصدقون انا بالضبط اعاني من هالموضوع ....

والله يا بنات البعد غنيمه مهمااااا كااااانو اهل الزوج زينين لازم في عيوب من مراقبه ولا حش ...

بس لما تطلعين بشقه تزورينهم يوم او يومين يعني تكونين مقلصه احتكاكج فيهم ..... وهالايام

الحسد شي مو طبيعي يعني يراقبونج وحسد حتى لما تتهاوشين مع زوجج !!! ... تخيلوا حماتي

تقولي مصييييبه زوجج كلا يطلعج ( مع ان امووووت واحن وابجي يالله يالله يطلعني !! واهي

ماشالله ماتقد بالبيت شي غريب !!! )

هذا راي الشخصي او يمكن همي الشخصي

بس جد تمنيت اني شرطت شقه ايام الملجه .... استقلاليه حتى لو اجابل اربع اطوف المهم

حافظه كرامتي وعايلتي ....

انا مو متزوجه بس دشيت لقافه ابي اشوف رايكم بهالمووضوع

لأنه يحير يعني لو وحده توها مخطوبه وما تعرف الريال واهله عدل

وشنو طبيعتهم وعاداتهم بالبيت شلون تقرر اذا بتسكن معاهم ولا بروحها ؟؟



ومشكورة على الموضوع والاستفتاء الحلو

بنات حاشني احباط ... !!!!


وين المشاركة ابي تجاوب... ابي كل وحده تقول تجربتها حتى لو مواقف تضايقها عن هالموضوع!!!