 |  |  |  |  |
 |  |  |  |  |  |  |
| |||||||
|
| 08-08-2009, 12:03 AM | #1 |
|
حوريه مولوده |  معزومه على زواج؟ السلام عليكم ابي اتكلم شوي عن الزواجات , اكيد كلنا نروح زواجات ونشوف العجايب بس انا كلامي لا عن الزواج وديكوره ولا عن العروسه ولا عن شكلك في الزواج كيف يكون ؟ ابي افضفض وانتقد بعض اللي اشوفه في الزواجات ► أول ماتدخلين ► كثير مننا نلقى العاملات اللي يفتشون عن الجوالات والشنطة في مدخل الصالة . اذا كان جوالك فيه كاميرا راح ياخذونه لا تتناقشين معها وتتفرعنين عليها , وتحرجين اهل العرس وتقولين ابغى ادخل جوالي معاي خليك راقية في دخولك وهاديه واذا اخذوه منك قفليه واعطيها اياه ماراح يطير ► خليك بشوشه وابتسمي ► فيه نوعين من البنات في الزواج بنت تعقد حواجبها وتحسب نفسها احلى وحده في القاعة ولاحد يكلمني ! و بنت خفيفه وتقط وجهها على الرايح والجاي يعني تراني حبوبه إنتي خليك عفويه واجلسي في الطاوله واذا شفتي امك تسلم على احد قومي من غير لا تقولك وسلمي .. ولا تجلسين تدققين في بنات الناس وتصير عيونك 6×6 واذا اعجبك شي لا تنهبلين وتفقين خشتك ► السوالف ► لا تسولفين كثير وقت الطق .. عشان ماتصارخين وتنقطع احبالك الصوتيه تصيرين كأنك غير لبقه كذا و عربجيه لا تحشين بأي شي في القاعة او شكل العروسة او التقديم تذكري انهم ناس مقدرينك وعازمينك يعني عيب تنتقدينهم وتتمصخرين عليهم وياكثر مانشوف هالنوعيات اللي من وساعة الوجه يحشون وقت زفة العروسه بعد ► الرقص ► لا تصيرين انتي والطقاقه واحد وكل ماطقوا قمتي وردحتي .. كلنا ننبسط على الطق بس تذكري انك مو في بيت اهلك لحالك ارقصي على كم اغنيه بس .. واذا جاتك وحده تغلى عليك وقالت لك قومي ارقصي لا يصير دمك ثقيل وتقولين لا .. قومي ارقصي معها عشان لا تجلس تسحب فيك ويصير شكلك غبيه ► كلمة ماشاء الله ► زي ما انتم عارفين شعبنا موسوسين من ناحية العين والحسد . كل ما احد سئلك عن شي قولي ماشاء الله وش رايك بالعروسه ؟ ماشاء الله اعجبك الطق ؟ ماشاء الله وش رايك بالبوفيه ؟ ماشاء الله ► بوفيه العشاء ► تذكري ان فيه اكل في بيتكم واذا قالوا يلا العشا وشفتيه زحمه اصبري شوي لين تشوفين الزحمه خفت . واذا دخلتي لا تعبين الصحن وفي الاخير ماتاكلين .. واذا فيه قدامك حرمه كبيره خليها تجي قبلك وتغرف من باب الاحترام ولا تكثرين اكل .. كلي بس لا تشبعين , واذا خلصتي وشفتي احد من اهل الزواج قولي اكرمكم الله ► قبل لا تطلعين ► انتبهي تطلعين وانتي ماسلمتي على اهل العروسه او المعرس وترجعين تباركين لهم مره ثانيه .. وتسلمين عليهم وتقولين الله يعافيكم انبسطنا ... الخ وخلصنا |
| |
| 09-08-2009, 07:24 AM | #3 |
|
مشرفـــة الأفكار والأعمال اليدويه | .....’’’’يعطييييج العاافية ’’’....... |
| [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
| 09-08-2009, 05:15 PM | #4 |
|
من كبـــآر شخصيـــآت المنتــدى | يعطيج العــآأإفيـــهـ عالمجهوؤوؤد .. |
| يآ " بعـدهم " في وجوـؤدكـ وش يبـوـؤن ؟! بلِّــغ آلعآلمـ ترى مآ آبي " سوـؤآكـ "  [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
| 12-08-2009, 07:44 AM | #7 |
|
حوريه مميــــزه | حلوووووووووووووووووه تذكري ان فيه اكل ببيتكم خخخخخخخخخخخ يسلموووووووو ياقليبي..^ـــ^ |
 $$$$$  قَوْيتٍ بـ لَحْظَة وَدآعِك أدَآرِيْ "دَمْعِتيً" لآ تِطْيحٍ .. ولكِّنِّك يُوم أقْفِيتــ عَجْزتــ وطِحْت آنآ [ كِلّي ] ..! |
| 04-12-2009, 06:40 PM | #10 |
|
حوريه مميــــزه | وااااااااااااااااو كلج سنع ياذوووووووق معزومه على عرس باجر وراح اطبق نصايحج بحذافيرهاااااااا |
| [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
| مواقع النشر |
| العبارات الدلالية |
| معزومه, زواج؟ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
عالم حواء -
الحياة الزوجية -
المكياج والعطور -
سيدات اعمال -
ازياء -
العروس
القضايا الاجتماعية والنفسية - السياحه والسفر - الحلويات - العناية بالشعر - الديكور والأثاث - الحمل والولاده
 |  |  |  |
