 |  |  |  |  |
 |  |  |  |  |  |  |
| |||||||
|
| 22-04-2008, 05:01 AM | #1 |
|
حوريه مولوده |  البنات اللي مجربين خلطة شسالفه سلام عليكم [right]بنات اللي جربت فيكم هالخلطه تقولي عن نتايجها الله يخليكم هل صج نفعت معاكم وشلون طريقتكم فيها ومتى بينت نتايجها وبامانه تكفوووووووون عرووووووس ومحتاجه مساعدتكم /right] |
| |
| 22-04-2008, 05:28 AM | #2 |
|
حوريه مولوده |  اول شي اقولك مبروك انا استعملت الخلطه من زمان وصراحه ماشاء الله فتحت كثير بس استعملتها فتره طويله تقريبا اكثر من شهر اذا تبغين خلطه من جد تفتح عندك الخلطه الصابونيه للعضوه مزيونه وشقره الله يوفقها صراحه رووووووعه اذا ما تعرفينها قولي لي واكتبها |
| |
| 22-04-2008, 01:04 PM | #3 | |
|
حوريه مولوده | اقتباس:
هلا حبيبتي الله يبارك فيج ياعمري ومشكوووووووووره على مرورج ولو ماعليج امر ابي الخلطه اللي قلتي عنها وشلون طريقة استخدامج ومتى بينت معاج وجزاج الله خير ماقصرتي ياقلبي الله يوفقج انشاءالله :catqodmb: | |
| |
| 23-04-2008, 03:18 AM | #4 |
|
حوريه مولوده | انا بنقل كلام العضوه مزيونه وشقره كامل والله يجزاها خير وهي بالمنتدى عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي بنات ما كتبتها لكم الا و انا مجربتها وضامنتها لكم والله يشهد علي بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس وطريقتها سهله وتونس وممتعه والأشياء اللي نحتاجها مع فوايدها 1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم ) 2-صابونه الغار--------------------------- ( تبييض + نظافة وتشيل الحبوب وتصفي) 3-صابونه السحرية------------------------ ( تبييض) 4-صابونه البابايا --------------------------( تبييض + تشيل الحبوب وتوحد اللون) 5-ماي ورد قلاص وربع------------------- ( ترطيب نعومه تبييض) 6-اشوية كركم جسم ------------------------( تبييض) 7-ملعقة كبيره ملح خشن -------------------( تطهر الخلطة + نظافة) 8-ملعقتين كبار سفيد اب مطحون- ---------- ( تبييض) 9-ملعقة وسط نشا-------------------------- ( تبييض + لتماسك الخلطة) والحين نبشر صابونه الكركم وصابون الغار و الصابونه السحرية وصابونه البابايا نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون نبشرهم ونحطهم في صحن بروحهم راح تصير عندج كميه من الصابون المبشور نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله طريقة استخدامها: مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون هنا تقريبا انتهى كلامها والله هذي الخلطه روعه بس انا استغنيت عن سفيد اب والصابونه السحريه والباقي سويته مثل طريقتها انا استعملتها تقريبا اسبوع او اقل وشفت نتائج حلوه ماشاء الله يعني تفتيح بسيط وفي تجارب كثيره قريت عنها بلانترنت وفي المنتديات عن بنات استعملوها وفتحوا وهي اللي خلتني اتحمس واجربها اهم شي يكون عندك كريم مرطب علشانها تنشف شوي يعني حطي خلطه شالسالفه واغسليها بهذي الصابونه وان شاء الله تطلعين قمر |
|
التعديل الأخير تم بواسطة : عسووله بتاريخ 23-04-2008 الساعة 11:52 AM |
| 23-04-2008, 06:19 AM | #5 | |
|
حوريه مولوده | اقتباس:
مشكووووووووووووووووووووره ياروحي ماقصرتي جزاج الله خير والله يوفقج يالغلا :catqodmb: | |
|
التعديل الأخير تم بواسطة : عسووله بتاريخ 23-04-2008 الساعة 11:54 AM |
| 23-04-2008, 12:15 PM | #7 |
|
حوريه مولوده | خلطه شالسالفه هذي هي نقلته من احد المنتديات المقادير صابونة غار مبشورة ناعمة جدا تنقعينها بكاس ماي ورد طول الليل عشان تذوب علبة جلسرين السائل الشفاف من العطار علبتين جليسوليد الاحمر كبار فنجان قهوة زيت زيتون فنجان قهوة زيت لوز فنجان قهوة زيت خروع ملعقتين كبار كركم من العطار لاتستخدمون مال الاكل لانه صبغته قوية علبة فكس صغيرة تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه وانا حتى استخدمها للمنطقه الحساسة والابط وشفت بياض موطبيعي ونعومة وكل الاثار اللي بجسمي اختفت انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية واسوي سنفرة الملح الخشن مع عصير الليمون يعني اخلط كمية ملح خشن مع عصير ليمون واتفرك فيه بس للامانه انا استعملت شويه من الفكس يعني بالمره قللت والكركم حق الجسم ما حصلته استغنيت عن السيفداب لاني قريت مواضيع تحذر منه لانه يسبب سرطان والعياذ بالله وخفت لما سمعت هذي المعلومات وقلت ما يحتاج استعمله وحتى الصابونه السحريه شفت مواضيع تحذر منها |
| |
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
عالم حواء -
الحياة الزوجية -
المكياج والعطور -
سيدات اعمال -
ازياء -
العروس
القضايا الاجتماعية والنفسية - السياحه والسفر - الحلويات - العناية بالشعر - الديكور والأثاث - الحمل والولاده
 |  |  |  |
