 |  |  |  |  |
 |  |  |  |  |  |  |
| |||||||
|
       |
 |
|  | ||||||||
| ||||||||||
 |
|  | ||||||||
 الإهداءات |
| | LinkBack | أدوات الموضوع | طرق مشاهدة الموضوع |
| 10-04-2008, 09:20 PM | #1 |
|
حوريه |  بعد البحث و العناء ...لإيجاد أفضل الصبغات.. و الخبيرات.. تجربتي مع الخبيره سميره . . بعد العناء ... و البحث المتواصل ... و إمتلاء الصندوق الوارد للرسائل الخاصه .. بالرسائل ... اللي تمدح . و اللي تذم ... و اللي تقول الزين عندي و آنا بوهندي .. توكلت على الله .. . 7 7 7 . رحت للإخت سميره .. بصراحه . و آنا مواعدتكم .. أقولكم عن التجربه بكل صراحه ... بنات .. الصالون ك شكل و ك ترتيب .. يعني ... مو ذاك الزود ... يحتاج تعديلات و ترتيب .. و يحتاج توحيد للبس العاملات ... كلهم هنديات... بس طبعا .. إحنى نبي المضمون ... يعني الشغل .. آنا جربت أهم ثلاث أشياء بالنسبه للمره .. حف الحواجب و الشوارب ... بالخيط و الشمع .. و جربت شيره للإيد كامله .. و جربت الهاي لايت ... صراحه .. و الله على ما أقول شهيد .. الإخت سميره ... قمه بالتعامل الراقي المؤدب .. بشوشه و تنصحج بكل امانه .. الحف نظيييييف ماشاء الله عليهم ... الشيره .. ثنتين إشتغلو علي .. لأني كنت مستعجله و إهي ما قصرت ... و فعلا شيرتهم حلوه ... بالنسبه للهاي لايت .. آنا صابغه برغندي .يعني عنابي غامج ... و ما ظنيت ممكن يصير لون البني الفاتح اللي يسمونه غزالي .. على شعري اللي مبدعه فيه ... حنه و صبغه بنيه قبلها و حنه و ما أدري شنو .. المهم قالتلي آنا أسويلج شغله حلوه . و سوتلي خصلتين .. يهبلووووون ... من فوق القذله .. يعني القذله ما صبغتها .. بس من فوق قمة الراس خصلتين .. طلعو عجيبين ... تخيلو .. قالتلي إذا تبين أغمجلج الخصل ... عادي تعالي و آنا أسويهم لج .. يعني مريحه بالتعامل لو تحسفتي أو حسيتي إنهم فاتحين حيل .. أو اللون مو اللي ببالج .. حلو إنها تعدلج اللي صار... و توني داقه عليها بروح أزيد الخصل .. و بنحاول بالإكستنشن ... و بصراحه ... تجربه حلوه و أتوقع لها مستقبل زااااهر .. و مثل ما يقولون الالماس ... دايما ينوجد بين الأحجار السوده الصلبه الي ما تنوقع قيمة اللي بداخلها يمكن ما ندري بقيمته لين نصقله و نظفه و نتعب عليه .. إنشالله الإخت سميره .. تتعب على صالونها .. و ترتيبه و نظافته و ترتيب العاملات .. و توحيد زيهم .. لأن بعض الناس تغريهم المظاهر أكثر من الشغل ... لذلك .. أتمنى إن أي وحده تبي تجرب صبغه جديده و لا خصل هاي لايت تجربها .. فعلا عن تجربه .. شي راااااائع .. والله سوتلي شي جدا جدا راقي و مرتب .. تحياتي .... و جزاكم الله ألف خير و أخص بالشكر الأخت بنت الاجواد اللي عطتني الرقم ... |
| |
| 11-04-2008, 12:33 AM | #2 |
|
حوريه مؤسسه |  جزاااااااااااااج الله كل الخير حبيبتي بس حسافه ليتني قاريه موضوعج مبجر انا رحت للشرقيه وقالت الصبغ ما ينفع مع شعرج حتى ولو مع سحب ورحت الجمعيه وشريت صبغ والحين انا حاطة على شعري والله يستر والله اني خايفه |
   |
| 11-04-2008, 02:46 PM | #4 |
|
عضوة شــرف حور الكويت | هذا اي صالون؟ ويعطيج العافيه على عرض تجربتج خصوصا بهالطريقه المثيرة للاعصاب بس عندي بعض البتحفظات اللي اهيا الاعمال الي سويتيها اهم مافيهم شي الا الحف واظن الكل عارف ان الحف حرام خصوصا ان عقوبته قوية جدا واهيا الطرد من رحمة الله ومااظن يسوى تنطردين من رحمة الله عشان فلانه وعلانه يقولون ماشالله حواجبها روعه! والاكستنشن هم حرام انا اقول اتركي هالعملين ومن ترك عمل لله عوضه الله باحسن منه كــــــــــل الـــــــــــود^^ |
 أحياناً أُتهمْ بِ الغرور ليس لـِ شيء ..!! سوى لأني لآ أُخآلط { السفهآء }  BLUE SKY GURL |
| 13-04-2008, 01:24 PM | #5 |
|
حوريه مولوده | تقصدين اللي بز هرة شييييييييك حرررررررررام عليك لالون ولامنظر تونا صابغين عندها بعد ما نطيروها بالمدح المكا ن وسخ والشغل سريع وهي مصدقه انها خبيرة والنتيجه ماتسر عاديه كللللش |
| |
| 14-04-2008, 12:49 AM | #7 |
|
حوريه | بلو سكاي جزاج الله خير و جعله بميزان أعمالج .. رياان ... لو لاحظتي آنا شقلت بموضوعي بتلاحظين إني علقت على ترتيب الصالون و نظافته ... لكن البنت ببدايتها ... و الناس يبدون على إمكانيات محدوده ... مثال صالون الشرقيه ... صاحبته عراقيه .. كان صالونها بالبدايه كلمة وسخ و معفن شويه عليه الشيره محذفه بكل مكان .. و البديكير و المنيكير أدواته بوطقه . و العاملات كانو كلهم خدامات منحاشات من بيوت معزبينهم و حاطه إيرانيه للحف ... و إهي تصبغ و تستشور .. ألحين ماشالله 4 عمارات فيهم صالون كل صالون شقتين فوق بعض .. غير شقق العاملات ... و لو لاحقه عليهم بالبدايه تزوعين العافيه من الوسخ ... و إذا على قولتج الصبغ عادي ولا يسر ... سألي اللي مدحه لج .. و شوفي شغل البنيه .. ترا في بنات يطلبون طلبات تعجيزيه .. يعني حاطه 10 كيلو حنه و صابغه قبل أسود .. و حاطه شيقور و لاعبه لعب .. و تقول ابي اشقر بخصل ثلجي.. لو تروحين أقوا مكان للصبغ .. ماراح يطلع لج بنتيجه حلوه .. آنا وحده جربت شغله و قلت أفيدكم ... لاني مستفيده شي من ورا هالشغله ... و لو علي .. بتفلسف و أقولكم لا و الله رحت الكونتيناتال ( الحراميه عيني عينك تصقعج ب 60 دينار للصبغه العاديه و إهي قاطه عليج قلاصين أكسجين سحب لون و عقبهم حاطه لون غامج .. على بو إن ما تعبت شعرج و إهي حارقته ) و لا رحت جاك ديسانج .. اللي مايعرفون غير البني المحم .. اللي على نحاسي أسهل و أغرب شي .. و إذا إنتي من النوع اللي مايصبغ ولا يستعمل حنه .. سوولج الأشقر بالثلجي يعني طالعين طلعه ... علاجات الشعر حلوه الماسكات والقص حلو بس الصبغ عااااااادي. أي وحده عليميه تعرف تسويه .. آنا عن نفسي .. رحت للإخت سميره .. قلت أبي جذي و جذي يصير .. قالت أجرب خصله طلع اللون حلو أكمل ما طلع حلو بتغيرين أصبغلج الخصله لون شعرج و إنتي كيفج.. ما غامرت إلا بعد ما شفت النتيجه بعيني ... آنا ما أنكر المكان يلوع الجبد والله .. بس آنا ذكرت التجربه للفايده .. و كل وحده حره بنفسها . |
| |
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
عالم حواء -
الحياة الزوجية -
المكياج والعطور -
سيدات اعمال -
ازياء -
العروس
القضايا الاجتماعية والنفسية - السياحه والسفر - الحلويات - العناية بالشعر - الديكور والأثاث - الحمل والولاده
 |  |  |  |
