أخيييييييييه
يتني البجية <== توها متخرجة و ماشبعت من الجامعه
كنت بالآداب تخصص انجلش ( لغويات )
يا زين كليتي و تخصصي لو ايحصلي أرجع ادرس من أول و يديد .. دكاترتنا أغلبهم يهبلون و موادنا حلووووة
طبعاً أقول هالحجي الحين .. حزتها ماعتقد كان هذا رايي
اوكي أقولكم عن الدكاترة :
محمد هليل عجيييييييييب .. لي الحين لما امر الكلية يوقف و يناديني انتي بتعملي ايه هنا ؟ مش تخرجتي ؟؟؟
كميل .. بعدوا عنه
جمال بورسلي .. اخذوا عنده كثر ما تقدرون لو ان شالله الجدول كللللله لانه أرقى انسان شفته بحياتي و كافي أسلوبه بالشرح و الفناتق اللي يسويها .. محاضرته ما ودكم تطلعون منها
مادلين .. اتينن اهي انجليزية كبيرة بالسن صج صج اتهبل
حشان العجمي .. مؤدب و محترم بس ماكو شرح ولا درجات
زعبلاوي .. اللي تشد حيلها تضمن الدرجة و اهي مغمضة
بروس ماري .. انجليزي و عليه فناتق لا صارت و استوت و لهجته صعبه بس يعطي درجات و حيل متساهل بالكلاس
يوجين استيل .. انجليزي و الدرجة عنده بالحسرة
لميس البستان .. شخصيتها اتينن طيبه و حبوبه و بشوشه بس شرحها مو ذاك الزود و اساسا موادها صعبه فيمكن تمشون عندها أكثر مني
أمين المهنا .. ما جربت شرحه لاني كنت ماخذه عنده سيمنار بس بشكل عام اهو حليو و متفهم
منيرة التمار .. شرحها لكم عليه بس لما اتجابلون المذكرة عدل بتاخذون الايه بسهوله لأنها ما تطلع بره المنهج
حمد بن علي .. يهبل كافي انه دين و ملتحي الصراحه خوش ريال <<<< تخطب
مواده كلها سهله فلا اتحاتون الدرجات
ناصر القنور .. بعييييييييد وخروا عنه
هاني واصف .. شرحه مو ذاك الزود بس يعطي درجات و يعطيكم فرص ما اتخيلونها عشان اتحسنون درجاتكم
بلقيس النجار .. شرحها مو واضح و درجاتها بالغصب
سندس العجيل .. محاضرتها اتينن اتذكركم بأيام الثنوي لما تشرح و اتقوم على اللوح و الكل يرفع ايده .. الصراحه عجيبه و اللي تشتغل معاها عدل بتاخذ حقها
عدنان جرجس .. شرحه فظييييييع ماشالله المعلومه اتظل براسكم لي الفاينل و طبعا اللي شرحه جذي متوقع طلبته عباقره .. لازم تدرسون معاه أول بأول
و بس تعبت
على فكرة .. أغلب دكاترة قسم الانجليزي اذا مو كلهم يحبون البنت الحرجة اللي اتليقف بنص الشرح و تسأل و اتناقش .. كل ما صرتوا نشيطين كل ما أخذتوا درجات لأن أصلا مواد الانجليزي محتاجة مناقشة و صدقوني بتعودون على هالشي و يصير عادي عندكم
| 
الإهداءات
